बाबु भन्दा छोरी जेठी !

भिडियो हेर्नको माथि को बक्स मा डबल क्लिक गर्नु होस्

उदयपुर, भाद्र १० - छोराछोरी भन्दा बाबु कहिल्यै जेठो हुनसक्छ ? तर, उमेर प्रमाणित गर्ने निकायमा बसेका व्यक्तिले हेलचेक्रयाई गरे भने यस्तो पनि हुँदोरहेछ । उमेर प्रमाणित गर्ने गाविस सचिवको लापरवाहीका कारण बाबु भन्दा छोरी चार बर्षले जेठी भएकी छिन् । नागरिकता प्रमाणपत्रको सिफारिस लिन सोमबार त्रियुगा नगरपालिका पुगेकी सप्तरी दौलतपुर ४ स्थाई घर भई हाल त्रियुगा नगरपालिका ५ बस्दै आएकी तारादेवी कामीले आफ्नो विवरण पेश गर्दा उनी बाबु भन्दा चार बर्ष जेठी रहेको रहस्य खुलेको हो । ताराले पेश गरेको कागजातमा बाबु मंगलबहादुर मिजारको जन्म मिति २०२४ साल उल्लेख गरिएको छ भने छोरी तारादेवीको २०२० साल फागुन १२ गते उल्लेख गरिएको छ । सप्तरी दौलतपुरबाट तारादेवी बसाईंसराइ गरेर उदयपुर आउँदा गाविस सचिवले दिएको बसाईंसराइमा बाबुको जन्ममिति २०२४ साल र छोरीको २०२० साल उल्लेख गरिएको छ । त्रियुगा नगरपालिकाले पनि सोही अनुसारको विवरण राखेर २०६६ फागुन २३ गते ४३४-६६ नम्बरमा दर्ता गरेर बसाईंसराइ दर्ताको प्रमाणपत्र दिएको थियो । पछि नागरिकताको सिफारिस लिन आउने बेलामा नगर अधिकृत खिलराज राईले हेर्दा बाबु भन्दा छोरी जेठी पाइएपछि सबै कागजपत्र नगरपालिकाले जफत गरेको छ । 'गाविस सचिवको लापरबाहीका कारण नेपाली नागरिकताको सिफारिस पाइन' तारादेवीले भनिन् 'म पढ्न नजान्ने मान्छे सचिवले के गरिदिए थाहा छैन्' ।