घनश्याम र सुष्माको आाखा जुध्न थालेपछि…( भिडियो )

भिडियो हेर्नको माथि को बक्स मा डबल क्लिक गर्नु होस्

बाटोमा हिाड्दा घनश्याम रिजाल र सुष्मा लोहोनीको आँखा जुध्न थाल्छन् । भेट हुँदा निरन्तर आँखा जुध्न थालेपछि बैंशले मत्त परेका दुबैले एक अर्कालाई मन पराउन थाल्छन् । एकले अर्कालाई मन पराउन थालेपनि दुबै जनाले बोलाउन भने सक्दैनन् । जम्का भेट हुँदा घनश्याम सोच्छ सुष्माले बोलाइदिए पनि हुन्थ्यो, सुष्माले सोच्छे घनश्यामले बोलाइदिए पनि हुन्थ्यो ।

यस्तै परिवेशलाई समेटेर लोकदोहोरी गायक घनश्याम रिजाल र गायिका सुष्मा लोहनीले तीजको कोशेली ‘भन्देउ न माया’ बजारमा ल्याएका छन् । गीतमा दुबै जनाले आफ्नो मनमा कुण्ठित भएर बसेका कुराहरु पोखेका छन् । आफुसँगैका साथीहरुले छोराछोरी बोकेर हिँड्दा दुबै जनाले आफुलाई पनि छोराछोरी बोकेर हिँड्न रहर लाग्न थालेको बताएका छन् ।

दुबै जनाले एकअर्कालाई भेटेपछि राहत महशुस गर्न थालेको गीत सुन्दा आभास हुन्छ । गीतमा दुबैजना मायाको प्यासी भएको र एकअर्कालाई देख्नासाथ मन पराउन थालेको कुरा व्यक्त गर्न खोजिएको छ ।

गीतमा स्वर घनश्याम रिजाल र सुष्मा लोहनी आफले भरेका छन् । गीतको शब्दा घनश्याम रिजालले संकलन गरेका हुन् । गीतमा लय राजन कार्कीको हो । गीत पोखराको आकृती म्यूजीक प्रालिले बजारमा ल्याएको हो । भिडियो शाई भिजन प्रालिले निर्माण गरेको हो । एकआपसलाई मन पराएर पनि मन पराउाछु भनेर व्यक्त गर्न नसक्ने यूवा युवतीको रियल कथालाई समेटिएको हुादा गीत लोकपि्रय हुने गायक गायीकाले विश्वास लिएका छन् ।

रिजालको यो दोस्रो तीजको एल्बम हो । गत साल रिजालले …..बजारमा ल्याएका थिए । जुन गीत चर्चामा समेत आएको थियो । स्यान्जाको एलादीमा जन्मेका रिजाल सानैदेखि लोकदोहारी गीत गाउन थालेका हुन् । लोक दोहोरी प्रतिष्ठान पश्चिमाञ्चलका सचिव समेत रहेका रिजालले हरेक वर्षजसो नयाँ एल्बम निकाल्दै आएका छन् ।

मस्र्यान्दी र मादी, भर्भर आगो, आफ्नो मान्छे अर्कैलाई सुम्पिएर बोलका गीत रिजालका चर्चित गीत हुन् । आफ्नो मान्छे अर्कैलाई दिएर रिजालको आफ्नै जीवनमा घटेको वास्तविक घटनामा आधारित गीत हो । रिजालले झण्डै दुई दर्जन गीतमा शब्द र लय दिएका छन् ।