इन्टरनेटमा २० प्रतिशत बालबालिका हिंसाको सिकार

भिडियो हेर्नको माथि को बक्स मा डबल क्लिक गर्नु होस्

फेसबुक तथा टि्वटर जस्ता सोशल नेटवर्किङ साइटको प्रयोग गर्ने बालबालिकामध्ये हरेक सय जनामा २० जना बालबालिका दुव्र्यवहारको सिकार हुने गरेका एक अध्ययनले देखाएको छ । बालबालिकाका लागि काम गर्ने बेलायती संस्था सोसाइटी फर द प्रिभेन्सन अफ क्रुयल्टी टू चिल्ड्रेन (एनएसपीसीसी) ले गरेको अध्ययनले अघिल्लो वर्ष सोसल साइट चलाउने विश्वका हरेक पाँच जनामा एक जना बच्चाले दुव्र्यवहारको सामना गर्नुपरेको देखाएको हो ।

बालबालिकाले इन्टरनेटमा धम्की, अवाञ्छित यौन सन्देश जस्ता दुव्र्यवहार झेल्ने गरेका छन् । साथै अनाम पहिचानधारी मानिसहरुले प्रयोग गरेका अपशब्दको समेत बालबालिकाले सामना गर्नुपरेको छ । सोसल साइटमा बेहोर्ने दुव्र्यवहारका कारण किशोरकिशोरीहरुमा आत्महत्याको दर समेत बढ्दै गएको विज्ञहरुको भनाइ छ ।

कतिपय बालबालिका तथा किशोरकिशोरीहरुले इन्टरनेटबाट सहने दुव्र्यवहारपछि आत्महत्याको विकल्प नदेख्ने गरेका छन् । साथै सोसल साइटका यस्ता दुव्र्यवहारबाट उनीहरुले एक्लो महसुस समेत गर्ने गरेका छन् ।