संविधानसभा चुनावको उम्मेदवारी दर्ता असोज १० गते (तालिकासहित)

भिडियो हेर्नको माथि को बक्स मा डबल क्लिक गर्नु होस्

१७ साउन, काठमाडौं । मंसिर ४ गते हुने संविधानसभा निर्वाचनका लागि प्रत्यक्षतर्फको उम्मेदवारी दर्ता असोज १० गते हुने भएको छ । यस्तै समानुपातिक निर्वाचनमा भाग लिन राजनीतिक दलहरुले मनोनयन दर्ता गर्ने दिन असोज ७ गतेका लागि तोकिएको छ ।

निर्वाचन आयोगले बिहीबार स्वीकृत गरेको निर्वाचन कार्यक्रम अनुसार समानुपातिक निर्वाचनमा भाग लिन राजनीतिक दलहरुले मनोनयन दर्ता गर्ने समय असोज ७ गते तोकिएको छ । दलहरुले विहान १० बजेबाट ५ बजेसम्म निर्वाचन आयोगको केन्द्रीय कार्यालय, कान्तिपथ गएका उम्मेदवारी दर्ता गर्न सक्नेछन् ।

८ गते नामावली दलहरुको नाम सार्वजनिक गरिनेछ भने ९ गते मनोनयन फिर्ता तथा १० गते अन्तिम नामावली प्रकाशन गर्ने र निर्वाचन चिन्ह प्रदान गर्ने कार्यतालिका छ । तालिका अनुसार असोज ११ गते राजनीतिक दलहरुले उम्मेदवारको बन्दसूची पेश गर्नु पर्नेछ । असोज ३१ गते उम्मेदवारको बन्दसूची सार्वजनिक गरिनेछ भने दावीविरोध फिर्ता लगायतको प्रक्रिया पूरा गरेपछि कात्तिक २३ गते अन्तिम नामावली प्रकाशन गरिनेछ ।

यसैगरी पहिलो हुने निवाचन प्रणाली अर्थात प्रत्यक्षतर्फका उम्मेदवारहरुको मनोनयनपत्र दर्ता असोज १० गते निर्वाचन अधिकृतको कार्यालय जिल्ला सदरमुकामहरुमा हुनेछ । जुन,

११ गते मनोनयन पत्र दर्ताको सूची प्रकाशित हुनेछ भने १२ गते दावीविरोध, १३ गते जाचबुझ र १४ गते उम्मेदवारको नामावली प्रकाशित गर्ने कार्यतालिका छ । यस्तै १५ गते उम्मेदवारको नाम फिर्ताको समय तोकिएको छ भने १६ गते अन्तिम नामावली प्रकाशित गरिने निर्वाचन आयोगले जनाएको छ । निर्वाचन कार्यतालिका अनुसार प्रत्यक्षतर्फका उम्मेदवारहरुलाई असोज १८ गते चुनाव चिन्ह प्रदान गरिनेछ ।

निर्वाचन प्रक्रियासँग असन्तुष्ट दलहरूसँग सरकारले छलफल गरिरहेका बेला निर्वाचन आयोगले चुनावी तालिका सार्वजनिक गरेपछि मंसिर ४ को चुनाव सर्ने सम्भावना कम देखिएको छ । एकातिर सरकारले निर्शत वार्तामा वोलाएको भन्दै बैद्य माओवादी वार्ताका लागि सकारात्मक देखिएको छ भने अर्कातर्फ आयोगले चुनावी कार्यक्रम सार्वजनिक गरेर निर्वाचन हुने सम्भावना बढाएको छ ।

यस्तो छ निर्वाचन कार्यक्रम