टिचिङभित्र संचालित हाम्रो फार्मेसीले ठगी गरेको पुष्टी

भिडियो हेर्नको माथि को बक्स मा डबल क्लिक गर्नु होस्

२ भदौ, काठमाडौं । महाराजगञ्जस्थित टिचिङ हस्पिटलको कम्पाउन्डभित्र संचालित हाम्रो फार्मेसीले औषधि खरिद गर्ने विरामीलाई ठग्दै आएको पुष्टी भएको छ । वाणिज्य विभागले आइतबार गरेको छड्के अनुगमनमा हाम्रो फार्मेसीले ठगी गर्दै आएको पुष्टी भएको हो । बद्री जोशी नाम गरेका व्यक्तिले सञ्चालन गरेको हाम्रो फार्मेसीले भेन्टिलेटर सेटमा ४ हजार ३ सय ७३ रुपैयाँसम्म बढी लिएर ठगी गरेको विभागले रङ्गे हात समातेको छ । हाम्रो फार्मेसीमा भेन्टिलेटर सेट खरिद गर्दा ५ हजार ७ सय ५० रुपैयाँ परेकोमा त्यहि समान मनमोहन कार्डियोलोथोरासिस भास्कुलर एण्ड ट्रान्सप्लान्ट सेन्टरमा खरिद गर्दा १ हजार ३ सय ७७ रुपैयाँ परेको विभागले जनाएको छ । विभागले हाम्रो फार्मेसीका सञ्चालक बद्री जोशीलाई औषधिजन्य समानमा ठगी गरेको भन्दै आवश्यक कारवाहीका लागि महानगरीय प्रहरी परिसर हनुमानढोका मार्फत कागजातसहित जिल्ला प्रशासन कार्यालय काठमाडौंमा पठाएको छ । गंगालाल कारबाहीमा परेन त्यहि भेन्टिलेटर सेट सहिद गंगालाल राष्ट्रिय मुटुरोग केन्द्र बाँसबारीमा खरिद गर्दा ३ हजार १ सय ५७ रुपैयाँ परेको छ । मनमोहन कार्डियोलोथोरासिसले भन्दा गंगालाले १ हजार ७ सय ८० रुपैयाँ बढी लिएर बिक्री वितरण गरेको फेला पारेपनि विभागले गंगालाललाई कुनै कारबाही गरेको छैन् ।