एकै गाउँका दुईसय सातजना बिरामी

भिडियो हेर्नको माथि को बक्स मा डबल क्लिक गर्नु होस्

२९ साउन, रुकुम । रुकुमको खोलागाउँ गाविसमा एकैसाथ २०७ जना बिरामी भएका छन् । खोलागाउँ वडा नं ७ र ८ सानाखोलाका ८० जना स्थानीयवासी र जनकल्याण माविमा अध्ययनरत १२७ जना विद्यार्थीमा ज्वरो आउने, पेट दुख्ने, आँखा, नाकबाट पानी बग्ने, रातभर पसिना चुहिने लक्षण देखिएको हो । हप्ता दिनअघि सुरु भएको समस्याका कारण विद्यार्थीको पठनपाठन अवरुद्ध भएको छ भने स्थानीय बासिन्दा आˆनो दैनिक कामकाजमा समेत सहभागी हुन सकिरहेका छैनन् । उपस्वास्थ्य चौकीमा औषधि नभएपछि बिरामी थप समस्यामा परेका छन् । यसअघिका उपस्वास्थ्य चौकी इन्चार्ज बिदामा बसेका र अन्य स्वास्थ्यकर्मी पनि नभएपछि अझ समस्या झेल्नुपरेको बिरामीले गुनासो गरेका छन् । कार्यालय सहयोगीको भरमा खुल्ने उपस्वास्थ्य चौकीमा कोटि्रनबाहेक अरू कुनै औषधि नभएको मावि सानाखोलाका शिक्षक विनोद शर्माले बताउनुभयो । विद्यार्थी बिरामी भएपछि पढाइ बन्द गरिएको र स्थानीयवासी पनि बिरामी हुने क्रम नरोकिएपछि थप औषधिको माग गरिए तापनि औषधि गाउँसम्म नपुगेको उहाँले बताउनुभयो । रोग फैलँदै गएपछि स्वास्थ्यकर्मी, स्थानीय राजनीतिक दलका नेता कार्यकर्ता, गाविस सचिव प्रहरीलगायतको संयुक्त टोलीले रोग प्रभावित क्षेत्रको सामूहिक अनुगमन गरेको छ । अनुगमनका क्रममा फोहर पानी नपिउन सल्लाह दिइएको छ । यता जिल्ला अस्पताल सल्लेले भने रोग फैलिएको बारेमा कुनै जानकारी नआएको प्रतिक्रिया दिएको छ । रासस