जलवायु परिवर्तनका कारण स्याउ वेस्वादे गुलियो बन्दै

भिडियो हेर्नको माथि को बक्स मा डबल क्लिक गर्नु होस्

स्याउको विशेषता भनेकै केही अमिलो, केही गुलियो अनि दाँतले टोक्दा कचक्क गर्ने हो । तर जलवायु परिवर्तनका कारण स्याउले आफ्नो यस्तो ‘क्रन्ची’ विशेषता गुमाउँदै गएको र स्याउ बढि गुलियो बन्दै गएको एक अध्ययनले देखाएको छ ।

जापानी वैज्ञानिकहरुले ४० वर्ष लगाएर गरेको अध्ययनबाट यस्तो निष्कर्ष निकालिएको हो । शोधकर्ताहरुले सन् १९७० देखि २०१० सम्ममा जापानका विभिन्न दुइवटा बगैँचामा फुजी र सुगारु जातका स्याउमा अध्ययन गरेका थिए । त्यसबाट के पत्ता लाग्यो भने जापानले आफ्ना असली स्वाद तथा स्वरुप गुमाउँदैछ । ती दुइ बगैँचा जापनको नागानो र ओमोरी क्षेत्रमा छन् । त्यहाँ पछिल्लो एक दशकमा औषतमा ०.३१ र ०.३४ डिग्री सेल्सियस तापक्रम बढेको पाइएको छ ।

नेचर जर्नलमा छापिएको समाचार अनुसार तापक्रम वृद्धिका कारण स्याउ छिटो फुल्ने तथा फल बढ्ने समयमा समेत तापक्रम बढि हुने भएकाले स्याउको स्वाद तथा संरचनामा नकारात्मक असर पुगेको हो ।

यसअघिका विभिन्न अध्ययनले जलवायु परिवर्तनका कारण स्याउ छिटो फुल्न थालेको तथा वषर्ा र तापक्रमका कारण स्याउको उत्पादनमा पनि असर पुगेको देखाएको थियो ।

पछिल्लो अध्ययनले जलवायु परिवर्तन तथा तापक्रम वृद्धिका कारण स्याउको फलमा अम्लपना तथा गठिलोपनामा ह्रास आएको तथा चिनीको मात्रामा बढोत्तरी भएको देखाएको छ ।