स्वास्थ्य सेवाको विकृत अनुहार, धमिलो हटाउँदा आँखै गुम्यो

भिडियो हेर्नको माथि को बक्स मा डबल क्लिक गर्नु होस्

१८ साउन, काठमाण्डौं । चिकित्सकले गम्भीर लापरबाही गर्दा मोरङ सुन्दरपुर ८ का ८४ बर्षका भवानीप्रसाद दाहालले बायाँ आँखा गुमाउनुपरेको छ । डेढ महिनाअघि मोतीबिन्दुको शल्यक्रिया गराउँदा उनी औधी खुसी भएका थिए । तर अहिले जीनवमरणको दोसाँधमा छन् ।

सुन्दरपुरको ८ कै ७० बर्षकी टीकादेवी पौडेल र दुलारी ३ का ६५ वर्षका मुगालाल चौधरीले पनि आँखा गुमाएका छन् । रामलाल गोल्छा आँखा अस्पताल विराटनगरमा एकैपटक आँखाको शल्यक्रिया गराएका तीनैजनाले आँखा पनि सँगसँगै गुमाउनु परेको शुक्रबार प्रकाशित अन्नपूर्ण पोष्ट, नागरिकलगायतका दैनिक पत्रिकामा खबर छ । गाउँमा सञ्चालित आँखा शिविरमा परीक्षण गराएर शल्यक्रियाका लागि उनीहरु सो अस्पताल गएका थिए ।

उनीहरुका आँखामा गम्भीर समस्या देखिएपछि आँखा नै निकाल्नुपरेको हो । बिरामीका आफन्तका अनुसार चिकित्सकहरुले शल्यक्रियामा गम्भीर त्रुटि भएको जनाउँदै तत्काल आँखा ननिकाले क्यान्सर हुने खतरा रहेकेा बताएपछि आँखै निकालिएको हो ।

दाहालले गोल्छा आँखा अस्पतालमै, चौधरीले विराटनगर आँखा अस्पताल र पौडेलको काठमाण्डौंस्थित तिलगंगा खाँखा अस्पताल पुर्‍याएर शल्यक्रिया गरिएको थियो । आँखाको शल्यक्रिया पछि पौडेलमा क्यान्सरको सम्भावना बढेको चिकित्सकहरुले बताएका छन्