भिडियो हेर्नको माथि को बक्स मा डबल क्लिक गर्नु होस्
भरतबन्धु थापा
धार्मिकरुपले निकै ख्याति कमाएको गोसाइकुण्डको दर्शन गर्न जाने दर्शनार्थीको घुँइचो नै लाग्छ । त्यसमा पनि पूर्णीमाको समयमा त गोसाइकुण्डमा भक्तजनहरुको लर्को नै लाग्ने गर्दछ । गोसाइकुण्ड भन्ने वित्तिकै धार्मिक हिसावले हिन्दुहरुका लागि प्रख्यात छ । विशेष गरी हिन्दुहरुले मनाउने जनैपूर्णिमाको दिनमा मनाईने मेला नै गोसाइकुण्डको प्रमुख आकर्षण हो ।यो क्षेत्र कुण्डै कुण्डैको क्षेत्र भन्दा पनि हुन्छ । गोसाइकुण्ड क्षेत्रमा भैरव कुण्ड, सूर्य कुण्ड लगायत १०८ वटा कुण्ड रहेका छन् । तर गोसाइकुण्ड धार्मिक हिसावले मात्र नभएर पर्यटकीय हिसावले पनि त्यत्किै परिचित छ ।
समुन्द्रीक सतहबाट ४ हजार ७ सय मिटर उचाईमा रहेको ताल हो गोसाइकुण्ड ताल । यो तालमा नुहाएमा मोक्ष प्राप्ति हुनुका साथै आफ्नो मनले चिताएको पुग्ने तथा परिवारजनलाई समेत राम्रो हुने जनविश्वास छ । यो क्षेत्रमा ५ थरीमा लालीगँुरास पाउनुका साथै जनावरहरुकाम हिम चितुवा, विश्वमै दुलर्भ मानिएको रातो पाण्डा, डाफे मुनाल लगायतका दुलर्भ जनावरका साथै चराचुरुगीको हेर्न पाइन्छ । यो क्षेत्रबाट लाडटाड रेन्ज, मनास्लु हिमाल, धौलागीरी हिमाल, बुद्ध हिमाल र अन्नपुर्ण हिमाल लगायत धेरै हिमालहरु समेत हेर्न पाईन्छ ।
तामाड संस्कृति बाहुल्यता रहेता पनि यो क्षेत्रमा अन्य जातजातिको पनि बसोबास रहेको छ । तामाङ जातिको बाहुल्यता भएका कारण पनि यो पदमार्ग तामाङ हेरीटेज टेल भनेर चिनिन्छ । गोसाइकुण्ड जानका लागि तीनवटा पदमार्गहरु रहेका छन् । सुन्दरीजल हुदै गोसाइकुण्ड, रसुवाको धुन्चे हुँदै र हेलम्बु हुँदै पनि गोसाइकुण्ड जाने गरिन्छ । तर अहिले रसुवाको धुन्चेसम्म यातायातको सुविधा भएका कारण केही छोटो बाटो पर्दछ भने पैदल यात्रा गर्न रुचाउनेहरु भने सुन्दरीजल भएर जाने गर्दछन् ।
तस्वीरः राजेन्द्र लामा/भरतबन्धु थापा
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.