बर्ड फ्लू नियन्त्रणलाई प्रभावकारी बनाउन सरकारको निर्देशन

भिडियो हेर्नको माथि को बक्स मा डबल क्लिक गर्नु होस्

२० साउन, काठमाडौं । सरकारले बर्ड फ्लू नियन्त्रण तथा रोकथामलाई प्रभावकारी बनाउन सम्वद्ध अधिकारीहरुलाई निर्देशन दिएको छ । मन्त्रिपरिषद् अध्यक्ष खिलराज रेग्मीले स्वास्थ र कृषिमन्त्रीसँग छलफल गरी बर्ड फ्लू रोग नियन्त्रणमा सरकारी तहबाट भैरहेका प्रयास र त्यसको पछिल्लो अवस्थाबारे जानकारी लिनु भएको छ । अध्यक्ष रेग्मीले बर्ड फ्लूको नियन्त्रण र उक्त रोगको संक्रमण फैलन नदिन हरसम्भव उपाय अपनाउन र नियन्त्रणको लागि सबै प्रयास अवलम्बन गर्न पनि निर्देशन दिएको उहाँका प्रेस सल्लाहकार विमल गौतमले जानकारी दिनुभयो । रोग नियन्त्रणको कामलाई उच्च प्राथमिकतामा राख्न एवं कार्यान्वय अवस्थाको प्रभावकारी अनुगमन र निगरानी गर्न समेत मन्त्रिपरिषद् अध्यक्षले आग्रह गर्नुभएको छ । पछिल्ला दिनमा राजधानीका विभिन्न कुखुरा र्फममा बर्ड फ्लू देखा परेका छन् ।