भ्रष्टाचारको आरोपमा विद्युत् प्राधिकरणका सहायक प्रबन्धकसहित ७ पक्राउ

भिडियो हेर्नको माथि को बक्स मा डबल क्लिक गर्नु होस्

२० साउन, काठमाडौं । अख्तियार दुरुपयोग अनुसन्धान आयोगले ट्रान्सर्फमर खरिदमा भ्रष्टाचार गरेको आरोपमा मा नेपाल विद्युत् प्राधिकरणका सहायक प्रबन्धक सुरेन्द्रप्रसाद पनेरुसहित ७ जनालाई पक्राउ गरेको छ । पक्राउ पर्नेमा सह निर्देशक हरिशबहादुर पाल, सहायक प्रबन्धक मदनराज चापागाई, इन्जिनियर प्रज्वल पाण्डे र भण्डार प्रमुख भरत रुपाखेती रहेका छन् । यस्तै ट्रान्सर्फमर आपूर्तिकर्ता हुवइ सनलाइटका हु झेङ खियाङ र जोउ यी तिआन रहेका छन् । विद्युत प्राधिकरणले न्यून गुणस्तरको वितरण ट्रान्सर्फमर खरिद गरी अनियमितता एवं भ्रष्टाचार गरेको भन्ने उजुरीको अनुसन्धानका क्रममा संकलित प्रमाण कागजातका आधारमा उनीहरुलाई नियन्त्रणमा लिइएको अख्तियारका सह न्यायाधिवक्ता एवं प्रवक्ता श्रीधर सापकोटाले जानकारी दिनुभएको छ ।