भारतद्वारा नेपालसामू २ सय ६९ रनको लक्ष्य प्रस्तुत

भिडियो हेर्नको माथि को बक्स मा डबल क्लिक गर्नु होस्

४ भदौ, काठमाडौं । सिंगापुरमा जारी इमर्जिङ टिम्स कप क्रिकेटमा भारतको २३ वर्षमुनीको टोलीले नेपालसामू २ सय ६९ रनको लक्ष्य प्रस्तुत गरेको छ । नेपालले केहीबेरमा जवाफी व्याटिङ थाल्दैछ । टस हारेर पहिले व्याटिङ थालेको भारतले निर्धारित ५० ओभरमा ५ विकेटको क्षतिमा २ सय ६८ रन बनायो । इण्डियन प्रिमियर लिग आईपीएल खेलेका खेलाडीहरुको बाहुल्य रहेको भारतीय टोलीका सामू नेपाली बलरहरु निरिह देखिएका थिए । भारतका लागि लोकेश राहुलले सर्वाधिक ८८ रन बनाए । उनले उन्मुक्त चन्दसँग पहिलो विकेटका लागि १ सय १८ रनको ओपनिङ साझेदारी गरेका थिए । चन्द पहिलो विकेटका रुपमा व्यक्तिगत ६१ रनमा आउट भए । सूर्यकुमार यादवले ६५ रन बनाए भने अंकित वार्नेले २५ रन जोडे । नेपालका लागि बसन्त रेग्मीले १० ओभरमा ९० रन दिएर ३ विकेट लिए भने अभिनाश कर्ण र शक्ति गौचनले समान १–१ विकेट लिए । पहिलो खेलमा अफगानिस्तानसँग हार व्यहोरेको नेपाललाई अघिल्लो चरण प्रवेशको सम्भावना कायमै राख्न जित्ने पर्ने दबाव छ । सिनियर क्रिकेटमा टेष्ट खेलिसकेको भारतसँग नेपालको यो पहिलो औपचारिक प्रतियोगिता हो । समूह ए मा रहेको भारतको १ खेलबाट २ अंक छ भने २–२ खेल खेलेको पाकिस्तान र अफगानिस्तानको पनि समान २ अंक छ । नेपालले भने खाता खोल्न सकेको छैन ।