भिडियो हेर्नको माथि को बक्स मा डबल क्लिक गर्नु होस्
दार्चुला, श्रावण २७ - बाढीपहिरोले असार पहिलो साता क्षतिग्रस्त हुन पुगेको सदरमुकाम-खलंगा जोड्ने सडक दुई महिनासम्म पनि खुल्न नसक्दा दार्चुलामा खाद्यान्नलगायत दैनिक उपभोग्य वस्तुको संकट सुरु भएको छ । सदरमुकाम खलंगा र ग्रामीण भेगमा खाद्यान्न आपूर्ति ठप्प हुन पुगेको छ । कतिपय क्षेत्रमा पर्खाल भत्कने र पहिरो जाने क्रम जारी रहेकाले समस्या झनै बढ्दै गएको छ । बाढीले बैतडी-दार्चुला सडकखण्ड धेरै ठाउँमा भत्किएको छ । सतबाजदेखि एक सय २६ किलोमिटरको दूरीमा ९ ठाउँमा सडक बगेको डिभिजन सडक कार्यालय पाटन बैतडीले जनाएको छ । '५ किलोमिटर सडक मर्मत र पुनर्निर्माण गर्नुपर्ने स्थिति छ,' डिभिजन प्रमुख सञ्जय श्रेष्ठले भने । डेढ महिनाअघि सडक विभागका महानिर्देशक दिनकर शर्मा र बैतडी डिभिजन कार्यालय प्रमुख सञ्जयकुमार श्रेष्ठसहितको टोलीले स्थलगत अनुगमनपछि १५ दिनमा यातायात सञ्चालन गरिने बताएका थिए । तर सडक डिभिजन कार्यालयले पुनर्निर्माण र मर्मतमा ढिलाइ गरेको स्थानीयको आरोप छ । ऐरिछिना र मेल्खेत नजिकको धामीगडामा खुल्ने र पानी पर्नासाथ अवरुद्ध हुने गरेको छ । ती क्षेत्रमा पर्खाल भत्कने र पहिरो खस्ने समस्या कायमै छ । दत्तुको सकारमा ट्रयाक खोलिए पनि दलदले माटोका कारण यातायात चल्न सकेको छैन । धापको मसिनबालुवा भन्ने ठाउँमा मेसिन बिगि्रएकाले १५ दिन काम अवरुद्ध भएको थियो । खेट्टेबगर अगाडि ठूलो चट्टान फोड्न विस्फोट पदार्थ र कम्प्रेसर मेसिन ल्याइए पनि काम सुरु गरिएको छैन । केही विस्थापित परिवारले पुनर्निर्माण गर्न खोजे पनि सडक नखुल्दा काम सुरु हुन नसकेको स्थानीय पुष्करराज बडुले बताए । 'यातायात सुविधा छैन, निर्माण सामग्री ल्याउन सकेका छैनौं,' उनले भने । ठाउँ-ठाउँमा भत्केको र दिनहुँको वषर्ाका कारण निर्माणमा ढिलाइ भएको डिभिजन प्रमुख श्रेष्ठले बताए । उनी तीन सातादेखि काठमाडौंमै छन् ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.