गणेश लामा न्यायिक हिरासतमा

भिडियो हेर्नको माथि को बक्स मा डबल क्लिक गर्नु होस्

काठमाडौं, श्रावण २ - गुन्डागर्दीबाट अवैद्य सम्पत्ति आर्जन गरेको आरोपमा मुद्दा दायर गरिएका डन गणेश लामालाई न्यायिक हिरासतमा राखिएको छ । विशेष अदालतमा थुनछेक बहस नसकिएपछि लामालाई न्यायिक हिरासतमा राखिएको हो । ३५ दिने म्याद गुज्रेपछि अदालत उपस्थित भएका उनको सुनुवाई नसकिएपछि हिरासत पठाइएको हो । अदालत खुल्नेवित्तिकै परिवारसहित अदालत उपस्थित भएका लामाले आफ्नो सम्पत्ति अवैद्य नभएको दाबी गर्दै कम्पनीबाट जोडेको बताएका छन् । लामाको आफ्नै निर्माण कम्पनी छ । गुन्डागर्दीबाटै ठूलो परिमाणमा अवैध सम्पत्ति जोडेका लामासहित पाँच गुन्डा नाइकेविरुद्ध जेठ पहिलो सातो विशेष अदालतमा सम्पत्ति शुद्धीकरण निवारण ऐनअन्तर्गत मुद्दा दायर भएको थियो । प्रहरीको केन्द्रीय अनुसन्धान ब्युरो (सीआईबी)को अनुसन्धानका आधारमा विभागले मुद्दा दायर गरेका गुन्डा नाइकेहरूमा गणेश लामा, दीपक मनाङे भनिने राजीव गुरुङ, पर्शुराम भनिने कृष्ण बस्नेत, चक्रे मिलन भनिने मिलन गुरुङ र अभिषेक गिरी छन् ।