भिडियो हेर्नको माथि को बक्स मा डबल क्लिक गर्नु होस्
एजेन्सी (दुबई), श्रावण ५ - बलात्कार घटनाबारे प्रहरीमा उजूरी गर्ने नर्वेकी एक महिलालाई दुबईमा १६ महिना कैद फैसला सुनाइएको छ । नर्वेकी इन्टेरियर डिजाइनर मार्टे डेबोराह डलेल्भ घुम्नको लागि दुबई जाँदा बलात्कृत भएकी थिइन् । बलात्कार बारेको उजूरी गरेकी २४ बर्षीया उनलाई मादक पदार्थ सेवन गरेका, परपुरुषसाग सम्बन्ध राखेको र झुटो बोलेको आरोप लगाइएको छ । उनलाई अघिल्लो हप्ता अदालतले जेल सजाय सुनाइएको हो । बीसीले जनाएअनुसार उनी अदालतको निर्णयविरुद्ध अपिल गर्दैछिन् । उनको अपिलको सुनुवाई सेप्टेबरको लागि तय भएको छ । उनलाई उदृत गर्दै एफपीले लेखेको छ,'म निकै तनावमा छु । यो निकै क्रुर निर्णय हो । म यहाँबाट मुक्ति चाहन्छु ।' यो घटनाले नर्वेका अधिकारवादी र सरकारी अधिकारीलाई आक्रोशित बनाएको छ । डलेल्भका अनुसार उनी मार्च ६ तारिखका दिन उनी दुबईको एक नाईट क्लबमा साथीहरुसाँग जाँदा बलात्कृत भएकी हुन् । तर, प्रहरीलाई उजूरी गर्दा आफ्नो पासपोर्ट र पैसा खोसेर उल्टी आफूविरुद्ध मुद्दा चलाइएको भनाई महिलाको छ । उनी हाल दुबईस्थित नर्वेजियन सिमास सेन्टरमा शरण लिइरहेकी छन् । उनले समस्याको समाधानको लागि घटना सार्वजनिक गरेको जनाएकी छन् । अदालतले फैसला गरेपछि उनी प्रहरीको खोजीको सूचीमा परेकी छन् । नर्वेको बिदेश मन्त्रालयले घटनालाई आफ्नो देशको न्यायको मुखमा झिँगा भनी टिप्पणी गरेको छ । नर्वेले दुबईका अधिकारसाग सम्पर्क गरी घटनाबारे जानकारी लिने कोशिश भइरहेको जनाएको छ । घटनाको बिभिन्न मानवअधिकारवादी संस्थाले विरोध जनाएका छन् ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.