भिडियो हेर्नको माथि को बक्स मा डबल क्लिक गर्नु होस्
करिना कपुरले बलिउडकी एक नम्बर नायिका भएका बेला एकाएक प्रेमी सैफ अली खानलाई पति बनाइन् । धेरै फ्यानलाई लाग्यो, अब यिनले पनि फिल्म क्षेत्र छोड्ने छिन् र घरजममै मस्त हुनेछिन् । तर त्यसो भएन । करिनाको करिअरका लागि नवाफ सैफ अली कट्टर देखिएनन् । तर करिअर नभए पनि करिनाले पतिका लागि केही न केही स्याक्रिफाइस गर्नैपरेको छ । बेबोले हबी सैफको खुसीका लागि चुइँगम खान छोडिछन् । लामो समयपछि करिनाले यो रहस्यबाट पर्दा उठाएकी हुन् । गत वर्ष विवाह बन्धनमा बाँधिएका सैफ-करिनाको सम्बन्ध पनि अहिलेसम्म सेफ नै छ । सैफ त यो सम्बन्ध जन्मजन्मान्तर सेफ रहने दाबी गर्छन् । त्यसका लागि दुईले एकअर्काको अस्तित्वलाई स्वीकार गर्न सिकेको उनी बताउँदै हिँड्छन् । तर जति नै धैर्यधारण गर्दा पनि उनले बेबोको चुइँगम चपाउने बानीलाई भने सहन सकेनछन् । कुरा खोलिन् बेबोले नै । चुइँगमको लत नै लगाएकी करिना कुनै बेला कारमा हुइँकिँदै गर्दा ड्राइभ गरिरहेका नवाबले भनेछन्, 'तिमीले चुइँगम चपाउन बन्द गरिनौ भने म कारबाटै हाम फालिदिन्छु ।' पतिको घुर्कीका अगाडि पत्नीको के लाग्थ्यो ? बेबोलाई पहिले त सैफले हाँसो गरेका होलान् भन्ने लागेछ । तर कुरा गर्नु साटो चुइँगमका लागि मात्रै मुख चलाउने बानी परेकी करिनालाई सैफले आफ्नो हैरानी साँच्चैको भन्ने जनाउ दिएपछि भने उनले चुइँगम फालिछन् । त्यसपछि खान त परै जाओस्, छुनसम्म छोडिछन् रे । आफ्ना लागि पहिली पत्नीसँग सम्बन्ध तोड्न नहिचकिचाउने पतिका लागि आखिर करिनाले यति त्याग पनि किन नगरून् ? नत्र चुइँगमकै कारण सैफको ज्यान सेफ भएन भने ?
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.