अर्का पत्रकार पनि निर्देशनमा

भिडियो हेर्नको माथि को बक्स मा डबल क्लिक गर्नु होस्

पत्रकारहरू निर्देशक बन्ने लहर यो वर्ष चलिरहेको छ । यस वर्ष पत्रकार सुव्रत आचार्यले 'अधकट्टी' निर्देशन गर्ने घोषणा गरिसकेका छन् भने अर्का डब्बु क्षेत्रीले त फिल्म 'राहदानी' को लगभग सुटिङ सकिसकेका छन् । यही मेसोमा थपिएका छन्, अर्का पत्रकार लक्ष्मण सुवेदी । आफूलाई १३ वर्षदेखि पत्रकारिता गरिरहेको बताउने सुवेदीले कलम चलाउँदै आएको फिल्म क्षेत्रमै हात हालेका छन्, निर्देशकबाट । मंगलबार घोषणा गरिएको फिल्म 'एउटा साथी' निर्माणका लागि सलोन फिल्मस्ले सुवेदीलाई साथ दिएको छ । निर्देशनमा क्षमता जाँच गर्न लागेका सुवेदीले आफू फरक र मौलिक फिल्मभन्दा पनि मनोरञ्जनात्मक फिल्म बनाउनतर्फ लाग्ने बताए । सलोन फिल्मस्का शोभित बस्नेत निर्माता रहेको उक्त फिल्ममा उनले आफ्नै छोरा सलोनलाई मुख्य भूमिकामा उतार्न लागेका हुन् । सलोनले 'होस्टल' फिल्मकी आफ्नी जोडी रिस्ता बस्नेतलाई 'एउटा साथी' मा पनि पाएका छन् । सुशील पगँनीको स्त्रिmप्ट रहेको फिल्म भदौ दोस्रो सातादेखि काठमाडौ, पोखरा र जोमसोम क्षेत्रमा खिचिनेछ । टंक बुढाथोकीको संगीत र शंकर अधिकारी 'घायल' को गीत रहने फिल्ममा शिशिर भण्डारी, जोन तामाङको पनि अभिनय रहनेछ ।