चलाउनै गाह्रो वीरको एमरजेन्सी

भिडियो हेर्नको माथि को बक्स मा डबल क्लिक गर्नु होस्

काठमाडौं, असार २४ - आकस्मिक सेवाका लागि अस्पताल आउने बिरामीको दुई घण्टाभित्र उपचार हुनुपर्छ । मुलुककै जेठो बीर अस्पतालको इमर्जेन्सीको हालत भने आफैलाई तत्काल उपचार गराउनुपर्ने खालको छ । कम्तीमा १६ जनाले चलाउनुपर्ने आकस्मिक सेवा आठ जनामा खुम्चेको छ । अस्पतालमा दैनिक आउने करिब एक सय ४० बिरामीलाई आठ जना चिकित्सकले धान्नै नसक्ने बताउूछन् आकस्मिक विभाग प्रमुख डीपी सिंह । 'चिकित्सकको कमीले चार/पाूच घण्टासम्म पनि बिरामीले उपचार पाउन सकेको छैन,' उनले भने, 'बीरामी आउने क्रम नरोकिने र आएकालाई समयमै उपचार गरेर पठाउन नसकेकाले बीरामी सुताउने ठाउू समेत हुँदैन ।' उनका अनुसार बीरामीको चापले इमरजेन्सीमा जहिले भिडभाड र कोलाहल हुने गरेको छ । इमरजेन्सीमा थप डाक्टरको व्यवस्था गर्न पटक/पटक अस्पतालका निर्देशक बुलन्द थापा र उपकुलपति दामोदर पोख्रेललाई आग्रह गर्दा समेत बेवास्ता गरेपछि इमरजेन्सी चलाउन सक्दिन भन्दै विभाग प्रमुखबाट सिंहले राजीनामा दिएका थिए । 'महिना दिन बितिसक्यो न त राजीनामा स्वीकृत गर्छन् न त डाक्टरको व्यवस्था गर्छन्' उनले भने, 'अत्यन्तै अफ्ठेरो अवस्थामा बसेर काम गरिरहेको छु ।' उनका अनुसार सिङ्गो बीर अस्पतालमा आउने बीरामीको ५० प्रतिशत भन्दा बढी आकस्मिक कक्षमा आउने गरेका छन् । अस्पतालकै तथ्याङ अनुसार वाषिर्क ५० हजार बीरामीले आकस्मिक सेवा लिइरहेका छन् । आकस्मिक कक्षको कार्यभार चाँहि सिङ्गो बीर अस्पतालमा आउने बीरामीको ५० प्रतिशत भन्दा बढी छ तर जनशक्ती चाूहि पुरा अस्पतालमा भएमध्येबाट ५ प्रतिशत मात्रै भएपछि कसरी चलाउनु ? आकस्मिक कक्षका चिकित्सकहरुले चार सिफ्टमा वाँडेर उपचार सेवा दिइरहेका छन् । एक सिफ्टमा कम्तीमा चार जना चिकित्सक भए मात्र विरामीले राम्ररी सेवा पाउन सक्ने उनीहरु बताउूछन् । तर, हाल दुई जनाले एक सिफ्ट धानिरहेका छन् । यस्तो अवस्थामा चिकित्सकले बीरामीलाई समय दिन नसक्ने, कामको लोडले झर्किने, उपचार गर्न छोडेरन भाग्ने गर्ने गरिरहेको सिंहले जानकारी दिए । एउटा सिफ्टमा कम्तीमा चार जना हुने गरी १६ जना डाक्टर भएमात्र आकस्मिक विभाग चलाउन सकिनेछ । आठ जनाको ठाउँमा १६ जना हुदाँ कामको वाँडफाँड हुने भएकाले बीरामीले सेवा पाउने थिए । बीर अस्पतालमा भएका ९७ जना मेडिकल अफिसरको दरबन्दीको राम्रो व्यवस्था हुन नसक्दा इमरजेन्सीमा समस्या परेको हो । अस्पतालमा हाल कार्यरत ९७ मेडिकल अफिसर पोस्ट ग्य्राजुएट गरिसकेको भन्दै आकस्मिक विभागमा काम गर्न नमानेपछि इमरजेन्सीमा चिकित्सक अभाव भएको हो । इमरजेन्सीमा मेडिकल अफिसरले नै काम गर्ने हो । तर अस्पतालमा कार्यरत कर्मचारीले पद अनुसार मेडिकल अफिसरको तलब खाने भएपनि मनोमानी गर्दै इमरजेन्सीमा काम गर्न नमानेपछि यस्तो भएको सिंह बताउूछन् । 'व्यवस्थापन पक्षले दरबन्दीमा भएका चिकित्सकलाई काममा लगाउन नसकेकाले त्यसको भार इमरजेन्सीमा परेको हो,' उनले भने । बीर अस्पतालका उपकुलपति दामोदर पोख्रेलका अनुसार कर्मचारीको पद मेडिकल अफिसरको भएपनि पोस्ट ग्य्राजुएसन गरिसकेकाले इमरजेन्सीमा काम गर्न नमानेका हुन् । 'यसका लागि अस्पतालमा 'ट्युटर' पद लिन लागिरहेका छौं । 'ट्युटर' मेडिकल अफिसर भन्दा माथिल्लो पद हो । यसमा पोष्ट ग्य्राजुएसन गरेका सबैलाई माथिल्लो पदमा तान्ने र एमबीबीएस मात्र गरेका मेडिकल अफिसरलाई इमरजेन्सीमा खटाउनेछौं,' उनले भने, 'ट्युटर पद लिने प्रक्रियामा छौं जतिसक्दो चाूडो समस्याको समाधान गर्छौ ।'