बोकेरै खाद्यान्न ढुवानी

भिडियो हेर्नको माथि को बक्स मा डबल क्लिक गर्नु होस्

काठमाडौं , असार २४ - नेपाली सेनाले दार्चुलाको खलंगामा आएको बाढीबाट प्रभावितलाई खाद्य सामाग्रीको अभाव हुन नदिन बोकेरै खाद्यान्न ढुवानी गरेको छ । हेलिकोप्टरबाट खाद्य सामाग्री आपूर्ति गर्न प्रतिकुल मौसमको कारण अप्ठ्यारो परे पनि बोकेरै ढुवानी भइरहेको हो । सैनिक जनसम्पर्क कार्यालयका अनुसार सेनाको गुल्मबाट ७२ सैनिक जवान खटिएर दार्चुलाको दत्तु इलाकामा सन्चय गरी राखिएको १४ सय किलो खाद्य सामाग्री आइतबार आउजाउ गरी पैदल ३६ किलोमिटर टाढाबाट खलंगा बजारसम्म ढुवानी गरिएको छ । साथै नेपाली सेनाको ईक्युलेट हेलिकोप्टरबाट समेत मौसम अनुकुल भएको समयमा खाद्य सामाग्री ढुवानी भइरहेको निर्देशनालयले जनाएको छ । मौसम अनुकुल भए हेलिकप्टरबाट पनि खलंगामा खाद्य सामाग्री ढुवानी जारी रहने जनाइएको छ ।