बिरेन्द्रको वंशनाश पछि नेपाल आइन : उदितनारायण

भिडियो हेर्नको माथि को बक्स मा डबल क्लिक गर्नु होस्

१२ बर्ष पछि खोला पनि र्फकन्छ भनिन्छ । सायद यसैले पनि होला, गायक उदितनारायण झा १२ बर्ष पछि नेपाल फर्किए । आफ्नै नाममा समर्पित गरिएको एक अवार्ड वितरण गर्नका लागि उनी पत्नी दिपानारायण झाको साथमा शनिबार मध्यान्न नेपाल आइपुगेका थिए । नेपाल आएको समयमा उदितले अनलाइनखबरसँग गरेको कुराकानी :कसरी वुझ्दै हुनुहुन्छ नेपाली सिनेमालाई ?

म एउटा कलाकार भएको नाताले यो बिषयमा खासै बोल्न चाहन्न । तर नेपाली सिनेमाले जुन खालको प्रगती गरेको छ, त्यो एउटा कमालकै प्रगीत हो भन्ने मलाई लाग्छ । मलाई के विश्वास छ भने अझ आउने समय राम्रो हुनेछ । पहिला बर्षमा एउटा सिनेमा बन्थ्यो, अहिले ५० वटा भन्दा बढि बन्छ । यो नेपाली सिनेमाले गर्व गर्नु पर्ने बिषय हो । नेपाली सिनेमाले स्वर्ण जयन्ति मनाइरहेको छ, मलाई गर्व महशुश भइरहेको छ ।

नेपाली गीत कम गाउँदै हुनुहुन्छ नि ? यसको कारण के होला ?

मैले ३५ बर्षदेखि निरन्तर नेपाली सिनेमामा आवाज भरिरहेको छु । अहिले सायद केही कम भयो होला तर गाउन भने छोडेको छैन मैले । म यो कुरामा गर्व महशुश गर्छु कि मुम्बइमा बसेपनि नेपाली सिनेमाका सबैले मलाई माया गर्नुहुन्छ । म बाचुन्जेलसम्म तपाइहरुको सेवा गर्नेछु । म जहाँ गएपनि नेपाली संगीतलाई उठाउने प्रयास गर्नेछु ।

नेपालकै स्टुडियोमा गाउन बोलाइयो भने तपाई के गाउनुहुन्छ ?

मैले कतिपटक गीत गाइसकेको छु । यस अघि नेपाल आउदा मैले स्वर्गिय राजा विरेन्द्रको हातबाट गोर्खा दक्षिणबाहु पुरस्कार थापेको थिए ।

१२ बर्षपछि किन आउनु भयो नेपाल ? यस भन्दा अघि आउन मन लागेन ?

म यही हुर्केको बढेको केटा हुँ । यसैले पनि नेपालको माया मलाई अत्यन्त धेरै छ । तर स्वर्गीय राजा बिरेन्द्रको बंशनाश भएपछि म निक्कै उदास भए । यसैले नेपाल आउनै मन लागेन । यो दुख ममा सधै रहिरहन्छ । यो मेरो आफ्नै ठाउँ हो, यसैले मलाई निक्कै माया लाग्छ ।

सधैका लागि नेपाल र्फकन चाहनुहुन्न तपाई ?

यहाँ मेरो आफ्नै घर छ, जमिन छ । म पछि आएर यही खेती किसानी गर्छु । अहिले मुम्बईमा खेताला पनि पालेको छु, भोली यहाँ ल्याएर काम गराउनु पर्‍यो नि ।

यो त आदर्शको मात्र कुरा भयो नि, के साच्चै आउनुहुन्छ त ?

पक्कै पनि आउँछु । यहाँ आएर खेती किसानी गर्छु । अहिले गाउन दिनुहोस् न मलाई । उमेर छउन्जेलसम्म त गाउनु पर्‍यो नि हैन र ?