नेपाल कम्युनिष्ट पार्टीका संस्थापक नरबहादुरको निधन

भिडियो हेर्नको माथि को बक्स मा डबल क्लिक गर्नु होस्

९ साउन, काठमाण्डौं । नेपाल कम्युनिष्ट पार्टीका संस्थापक नरबहादुर कर्मचार्यको निधन भएको छ । उहाँको काठमाण्डौं मोडेल अस्पतालमा उपचारका क्रममा निधन भएको हो ।

एकीकृत नेकपा माओवादीका सल्लाहकार रहनुभएका कर्माचार्यको पार्थिव शरिरलाई श्रद्धाञ्जलिका लागि अहिले पार्टी केन्द्रीय कार्यालय कोटेश्वर पेरिसडाँडामा राखिएको छ । उहाँको पार्थिव शरीरलार्इ दिउँसो खुल्लामञ्चमा राखेर अन्तिम श्रद्धाञ्जली दिइने कार्यक्रम रहेको माओवादीले जनाएको छ ।

६४ वर्षअघि कर्माचार्य सहित ४ जना नेताहरुले नेपालमा कम्युनिष्ट पार्टीको स्थापना गर्नुभएको थियो । कम्युनिष्ट नेता पुष्पलाल श्रेष्ठको नेतृत्वमा सन १८७० अपि्रल २२ मा पुष्पलाल श्रेष्ठको संयोजकत्वमा कम्युनिष्ट पार्टी स्थापना हुँदा कर्माचार्य सबैभन्दा कान्छा सदस्य हुनुहुन्थ्यो  ।

अविहित कमाचार्य भाइहरुसँगै ललितपुरको बंगलामुखीमा रहेको आफ्नै घरमा बस्दै आउनुभएको थियो । कम्युनिष्ट पार्टीको स्थापना गरेको भए पनि पछिल्लो समय नेपालका कम्युनिष्ट पार्टीको गतिबिधिबाट भने आफू असन्तुष्ट रहेको प्रतिक्रिया कर्माचार्यको थियो । उहाँले नेपालका सबै कम्युनिष्टहरु एकजुट भएको हेर्ने आफ्नो अन्तिम इच्छा रहेको बताउनुहुन्थ्यो ।

तस्वीरः प्रकाश दाहालको फेसबुकबाट