फष्टलुकसँगै आशा जगायो ‘नागबेली’ले

भिडियो हेर्नको माथि को बक्स मा डबल क्लिक गर्नु होस्

नृत्य निर्देशन गर्दै सिनेमाको निर्देशक बनेका गोविन्द राइको डेब्यू चलचित्र ‘नागबेली’को फष्टलुक सार्वजनिक गरिएको छ । चलचित्रको फष्टलुकलाई केही कलात्मक बनाउने प्रयास निर्माणपक्षले गरेको छ ।चेली माइती इन्टरनेशनल फिल्मको ब्यानरमा तयार भएको यो चलचित्रलाई रोमियन लिम्बुले निर्माण गरेका हुन् । चलचित्रमा नीर शाह, रुपमा राना, दयाहाङ राई, यशराज गराच, विक्की मल्ल, अशोक फुयाँल, सम्भव श्रेष्ठ, हषिर्का श्रेष्ठ र सुरवी जैनको मुख्य भूमिका छ । चलचित्रमा रोशन श्रेष्ठको द्वन्द्व, रामशरण उप्रेतीको छायांकन, बीबी अनुरागी, शित्तल मोक्तान र रुद्र बोहराको संगीत, कमल राइको नृत्य, कथा, पटकथा तथा संवाद दिपेन्द्र लामाको छ ।

चलचित्रले राष्ट्रियताको भावनलाई प्रस्तुत गर्न खोजेको छ । चलचित्रको प्रदर्शन मिति तय भैसकेको छैन ।