भिडियो हेर्नको माथि को बक्स मा डबल क्लिक गर्नु होस्
सोशल नेटवर्किङको दुनियामा विश्वकै बादशाह फेसबुकले केही दिनअघि एक भाइरसका कारण निकै दुख खेप्यो र सोही कारण अमेरिकाका ६० लाख फेसबुक प्रयोगकर्ताका गोप्य जानकारी चुहिए । हुनत बेलाबेलामा आफ्नो सुरक्षा लापरवाहीका कारण फेसबुक यसअघि पनि विवादमा नआएको होइन । साथै फेसबुकमाथि विश्वका युवालाई इन्टरनेटको कुलतमा फसाएको, साइबर क्राइम बढाएको, सामाजिक सम्बन्धमा खलल पूराएको जस्ता आरोप पनि लाग्ने गरेका छन् । यति हुँदाहुँदै पनि फेसबुकको प्रयोगकर्ता बढिरहेकै छन् र अहिले फेसबुकका प्रयोगकर्ता १ अर्ब १० करोड नाघिसकेका छन् ।
फेसबुकका प्रयोगकर्तामध्ये सबैभन्दा बढि युवावर्ग नै छन् । खासगरी १२ देखि १७ वर्ष उमेर समूहका किशोर किशोरीले फेसबुक बढि प्रयोग गर्ने गरेको अमेरिकामा भएको एक सर्भेले देखाएको छ ।
यो सर्भेक्षणले अमेरिकी किशोर किशोरीहरुमध्ये सयमा ९० जना फेसबुकको कुलतमा फसेका छन् । उनीहरु दिनमा कम्तिमा ४-५ घण्टा फेसबुकमा झुण्डिन्छन् । यस्तै २० देखि २५ वर्ष उमेर समूहका युवा युवतीहरु भने दिनभर नै फेसबुकमा अनलाइन रहन्छन् र फेसबुक च्याटलाई गम्भीरतापूर्वक लिन्छन् ।
७३ प्रतिशत किशोर किशोरी सोसल नेटवर्किङ साइटमा आबद्ध भएको र एकजनाको फेसबुकमा औषतमा २०१ जना साथी रहेको सर्भेले देखाएको छ । यसको मतलब उनीहरुका लागि फेसबुकमा च्याटिङ गर्नका लागि कम्तिमा पनि २०१ विकल्प हुन्छन् । साथै ३७ प्रतिशतले दिनहुँ आफ्ना फेसबुके साथीहरुलाई म्यासेज पठाउँछन् र म्यासेजको रिप्लाइ नआएमा निकै हतास हुन्छन् ।
सर्भे अनुसार ८३ प्रतिशत फेसबुक प्रयोगकर्ताहरु फेसबुकमा अपलोड भएका साथीहरुका तस्वीरमा कमेन्ट गर्ने गर्छन् । ६६ प्रतिशत भने अश्लील च्याटिङ गर्नकै लागि फेसबुकमा अनलाइन रहिरहन्छन् । ५२ प्रतिशत युवा अश्लील म्यासेज तथा ग्रुप च्याट गर्छन् । यसले पनि देखाउँछ की फेसबुक अश्लील कुरा गर्ने फोरम बनिरहेको छ ।
६३ प्रतिशत अमेरिकी किशोर किशोरीले आफ्ना अभिभावकलाई आफु अनलाइन भएको थाहै नदिइ फेसबुकमा च्याटिङ गर्छन् । शोधकर्ताहरुका अनुसार फेसबुकको प्रयोग किशोर किशोरीहरुमा मनोरञ्जन तथा मोजमस्तीका लागि बढि भएको छ जो उनीहरुको मानसिक र सामाजिक विकाशका लागि खतरनाक हुनसक्छ । फेसबुकका माध्यमबाट किशोरकिशोरीहरु अश्लीलता तथा पोर्न सामाग्री तर्फ बढि आकषिर्त हुने गरेको बताइएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.