कोरियामा भएको तेक्वान्दोमा नेपालीलाई रजत पदक

भिडियो हेर्नको माथि को बक्स मा डबल क्लिक गर्नु होस्

१८ असार, काठमाण्डौं । दक्षिण कोरियाको छेजुडोमा भएको १३ औँ अन्तर्राष्ट्रिय स्पोर्टस् फर अल तेक्वान्दो च्याम्पियनसिपमा नेपाली खेलाडी रवीन अधिकारीले रजत पदक हात पारेका छन् । पुरुषको ५६ केजीमुनि रवीनले स्पेन, मलेसिया र चीनका खेलाडीलाई पराजित गर्दै सोमबार रजत पदक जितेको तेक्वान्दो युनियन-नेपालका महासचिव राजकुमार कार्कीले जानकारी दिनुभयो । कार्कीका अनुसार फाइनल नतिजा भने रवीनले कोरियाली खेलाडीलाई १०-७ ले सुम्पेका थिए । त्यसैगरी, सोही प्रतियोगिताको महिलाको ४६ केजीमुनि तारा पराजुलीले मलेसिया र अमेरिकाका खेलाडीलाई पराजित गर्दै कास्य पदक हात पारिन् । कोरियाली खेलाडीविरुद्धको सेमिफाइनलमा ताराले ७-५ ले गुमाइन् । प्रतियोगितामा नेपालका तीन खेलाडीले प्रतिस्पर्धा गरेका थिए । पुरुषको ६० केजीमुनि कृष्ण श्रेष्ठ क्वाटरफाइनलमा कोरियाली खेलाडीसङ्घ पराजित हुँदै पदकविहीन बने । रासस