भिडियो हेर्नको माथि को बक्स मा डबल क्लिक गर्नु होस्
१८ असार, काठमाण्डौ । लगातार पाँचौं बर्ष बिश्वको उत्कृष्ट बजेट एयरलाइन्स बन्न सफल मलेसियाको ‘एयर एशिया एक्स’ले नेपालमा उडान थालेको एक बर्ष पुरा गरेको छ । सन् २०१२ जुलाई ३ तारिखबाट काठमाण्डौ उडान थालेको एयर एसियाले एक बर्षको अबधिमा एक लाख बढी यात्रुलाई सेवा दिएको एयर एशियाका एक्सका प्रमुख कार्यकारी अधिकृत अजरन ओसमान-रनीले जानकारी दिनुभयो ।
आफ्नो एक बर्षे नेपाल उडानका अबसरमा एक सन्देश दिंदै एयर एसिया एक्सका प्रमुख कार्यकारी अधिकृत अजरन ओसमान-रनीले भन्नुभयो-’एक लाख यात्रुलाई सेवा दिँदै पहिलो बाषिर्कउत्सव मनाउन पाएकोमा अत्यन्तै हषिर्त छौं ।’एक बर्षको समिक्षा गर्दै अजरनले भन्नुभयो-’यो रुटमा एयर एशियाको माग अत्यन्तै बढेको पाएका छौं, खासगरी हाम्रो कनेक्टिङ सेवाका कारण जापान र अष्ट्रेलिया लगायतका देशबाट काठमाण्डौका लागि सिटको माग अत्यधिक बढिरहेको छ ।’
बार्षिक उत्सवका अबसरमा एयर एसिया एक्सले काठमाण्डौं हुँदै जापान, कोरिया, अष्ट्रेलिया लगायतका मुलुकमा जाने कनेक्टिङ फ्लाइटमा बिशेष छुट अफर ल्याएको छ । www.airasia.com मा गई बिशेष छुटमा टिकट खरिद गर्न सकिने छ । नेपालका लागि जनरल सेल्स एजेण्ट इन्सेन्टिभ टुर्स एण्ड ट्राभल्सका कार्यकारी अध्यक्ष हरिमान लामाले उत्साहजनक सहभागीताका लागि सवै नेपाली श्रमिक दाजुभाईहरुमा हार्दिक धन्यवाद दिँदै आगामी दिनहरुमा अझै सस्तो र उत्कृष्ट सेवाका लागि लागि पर्ने बताउनुभयो ।
जुलाई १७ देखि हप्तामा पाँच उडान
हाल सातामा चारवटा उडान गरिरहेको एयर एशियाले पहिलो बाषिर्क उत्सवसँगै पाँचौं उडान थप गरेको छ । जुलाई १७ तारिख बुधबारदेखि पाँचौं उडान सुरु हुने जानकारी दिँदै अध्यक्ष लामाले भन्नुभयो-’आगामी दिन दैनिक उडान थाल्ने योजना छौं ।’ सातामा दुईवटा उडानबाट आफ्नो नेपाल यात्रा सुरु गरेको एयर एसियाले अब साताको हरेक सोमबार, मंगलबार, बुधबार, बिहीवार र शनिवार काठमाण्डौबाट क्वालालम्पुर उडान गर्ने छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.