अफगानिस्तान आक्रमणमा मारिनेमा नेपाली होइन

भिडियो हेर्नको माथि को बक्स मा डबल क्लिक गर्नु होस्

अफगानिस्तानको राजधानी काबुलमा मंगलबार बिहान भएको तालिबानी आक्रमणको घटनामा ३ भारतीय, १ बेलायती र १ रोमेनियनको निधन भएको छ । घटनामा चार नेपाली सुरक्षागार्ड घाइते भएकोमा काबुलस्थित नेपाली कामदारले जानकारी दिएका छन् । घाइतेहरुमा धरानका सुधीर लिम्बू, काठमाडौंका बिपिन सिम्खडा र तनहुँका बासुदेव रानाभाट हाल स्थानीय अस्पतालमा उपचाररत रहेको तथा अर्का घाइते विनोद अधिकारी मंगलबार अपरान्है डिष्चार्ज भइसकेको जनाइएको छ । स्थानीय कामदार शशी पौडेलका अनुसार घाइतेको स्वास्थ्यस्थिती सामान्य छ । मंगलबार अपरान्हसम्म उक्त घटनामा ४ नेपाली मारिएको भन्दै अन्र्तराष्ट्रिय मिडियामा प्रचार भएको थियो । मंगलबार बिहान स्थानीय समयअनुसार ५ बजे आक्रमणकारीले विदेशी नागरिकको बसोबास रहेको पिनेकल नर्थ होटल र साथैमा रहेको एटलान्टिक सहयोग संगठन नेटोलाई सामान उपलब्ध गराउने कम्पनी सुपि्रमको कार्यालयलयमा नजिकै बिष्फोटक पदार्थले भरिएको बिष्फोट गराएका थिए । एक आत्मघाती तालिबानले सुरु गरेको आक्रमणमा बिष्फोट गराएसागै बाहिर उभिएका अन्य तीन आक्रमणकारीले गोली हान्दै होटल पिनेकलभित्र छिर्ने प्रयास गरेका थिए । आक्रमणकारी र सुरक्षा गार्डबीच भएको गोली हानाहानमा सबै आक्रमणकारीको मृत्यु भएको थियो ।