भिडियो हेर्नको माथि को बक्स मा डबल क्लिक गर्नु होस्
सोल, असार १९ - दक्षणि कोरियामा भएको कार दुर्घटनामा एक नेपालीको मृत्यु भएको छ । ईपीएस मार्फत रोजगारी गर्न ४ वर्ष १० महिनाअघि यहाँ आएका दाङ तुल्सीपुरका शैलेन्द्र थापाको बुधबार राति थेगुको ईल्याङ भन्ने ठाउँमा कार दुर्घटनामा परी मृत्यु भएको हो । थेगु भिजन चर्चका पास्टर अमृत थापा मगरका अनुसार मृतक थापा मंगलबार बेलुका काम सकेर नवराज न्यौपाने र विनोद बिकसहित कारमा घुम्न बाहिर निस्केका थिए । विनोद बिकको नाममा रहेको सो कार चितवनका नवराज न्यौपानेले चलाएका थिए । नजिकैको बजारमा मादक पदार्थ सेवन गरेर र्फकने क्रममा राति १२.३० बजेतिर न्यौपानेले इल्याङ भन्ने ठाउँमा उभिइरहेको ट्रकमा कार ठोक्काएका थिए । बिक र न्यौपाने सुरक्षित रहे पनि फ्रन्ट सीटमा रहेका थापाको तत्काल उपचार हुन नसकेपछि घटनास्थलमै मृत्यु भएको प्रहरीले जनाएको छ । हालसम्म अविवाहित मृतक थापा मत्स्यपालन भिसामा कोरिया आएर बिगत ४ वर्षदेखि मोबाइलको पार्टपूर्जा बनाउने देह्वा नामक कम्पनीमा अवैधानिकरुपले काम गर्दै आएका थिए । त्यहाँ २१ नेपाली कार्यरत छन् । थेगु ट्राफिक कार्यलयले सवारी साधन र चालक न्यौपानेलाई नियन्त्रणमा लिएको छ । न्यौपानेलाई हुने कारबाहीबारे हालसम्म निर्णय भइ नसकेको पनि पास्टर थापाले बताए । शव हाल स्थानीय अस्पतालमा राखिएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.