इजरायल पठाउने कम्पनीको ५० करोड डुब्यो

भिडियो हेर्नको माथि को बक्स मा डबल क्लिक गर्नु होस्

१९ असार, काठमाण्डौं । इजरायल कामदार पठाउन बन्द भएपछि म्यानपावर कम्पनीको ५० करोड रुपैयाँ डुवेको छ । पठाउने कम्पनी र जान चाहने कामदारको गरी करिब ५० करोड रुपैयाँ फसेको सम्बद्ध व्यसायीले जानकारी दिएका छन् । जाने तयारी गरिरहेका कामदारको डुबेको रकमको दायित्वसमेत म्यानपावर कम्पनीले नै व्यहोर्नुपर्ने हुन्छ । इजरायल महिला कामदारका लागि वैदेशिक रोजगारको आकर्षक गन्तव्य हो । म्यानपावर कम्पनीले कामदारसँग आवश्यकताभन्दा दशौं गुणा बढी रकम असुलेको आरोपमा इजरायल सरकारले चार बर्षअघि नेपाली कामदार लिन रोकेको हो । इजरायलले पूर्व सूचनाबिना एकाएक कामदार लिन बन्द गरेपछि पाइपलाइनमा रहेका कामदारको करोडौं रुपैयाँ डुबेको अन्नपूर्ण पोष्टमा खबर छ । इजरायल सरकारले कामदार लिन बन्द गरेको जानकारी दिएको समयमा सात सयजना कामदार पापलाइनमा थिए । प्रत्येक कामदारले सरदरमा डेढलाखदेखि साढे दुईलाख रुपैयाँ खर्च गरेका थिए भने म्यानपावर कम्पनीको पनि सोही हाराहारीमा लगानी भएको थियो ।