आगलागी हुँदा एक लाख ७० हजारको क्षति

भिडियो हेर्नको माथि को बक्स मा डबल क्लिक गर्नु होस्

ईलाम, असार ३० - इलामको लुम्देमा गएराति आगलागी हुँदा एउटा घर जलेर नष्ट भएको छ । लुम्दे–६ का डिकबहादुर सुनुवारको घरमा आगलागी हुँदा लत्ताकपडा, अन्नपात र धनमाल जल्दा रु एक लाख ७० हजार बराबरको क्षति भएको गजुरमुखी प्रहरी चौकीका इञ्चार्ज हेमराज लामिछानेले बताए । चिसा दाउरा सुकाउन भारमा राखिएकाले घरमा आगलागी भएको प्रहरीले जनाएको छ । स्थानीय बासिन्दा र प्रहरीको सक्रियतामा राति नै आगो नियन्त्रणमा लिइएको थियो । पीडित परिवार हाल छिमेकीको घरमा शरण लिएर बसेका छन् । फुसको छानो तथा टिनको बेरा भएकाले एकैछिनमा घर जलेर नष्ट भएको बताइएको छ ।