श्रीमतीसँग अनैतिक सम्बन्ध राखेको भन्दै भाला प्रहार

भिडियो हेर्नको माथि को बक्स मा डबल क्लिक गर्नु होस्

काठमाडौ, असार ३० - विराटनगर, ३० असार । मोरङको केराबारी गाविसका बुद्धराज गामवाङ (लिम्बू)ले सोही स्थानका कुमार भुजेललाई भाला प्रहारी गरी शनिबार राति घाइते बनाएका छन् । जिल्ला प्रहरी कार्यालय मोरङका अनुसार केराबारी हाटखोला–९ बस्ने ५० वर्षीय (लिम्बू)ले आफ्नी श्रीमतीसँग लसपस गरेको आशङ्कामा सोही स्थान बस्ने ३५ वर्षीय भुजेललाई भाला प्रहार गरी घाइते बनाएका हुन् । घाइते भुजेललाई उपचारका लागि धरानस्थित बिपी कोइराला स्वास्थ्य विज्ञान प्रतिष्ठान लगिएको छ भने लिम्बू फरार भएका छन् । लिम्बूको खोजतलास जारी रहेकोे र घटनाबारे आवश्यक अनुसन्धान भइरहेको प्रहरीले जनाएको छ ।