एमाले निकट डन ‘चरी’ पक्राउ

भिडियो हेर्नको माथि को बक्स मा डबल क्लिक गर्नु होस्

१३ साउन, काठमाण्डौं । एमाले निकटका डन दिनेश अधिकारी ‘चरी’ लाई प्रहरीले पक्राउ गरेको छ । हातहतियार र सवारी अंगभंग मुद्दामा उनलाई पक्राउ गरिएको हो । उनलाई शनिबार दिउँसो सामाखुसीबाट पक्राउ गरिएको महानगरीय प्रहरी परिसर काठमाण्डौंले जनाएको छ ।

आफैलाई आक्रमण गर्नेले दिएको जाहेरीका आधारमा चरी पक्राउ परेका हुन् । गत असार २१ गते संतुगलमा चरीमाथि गोली प्रहार गर्ने व्यक्तिले गोली हानिएको पेस्तोल चरीकै हो भन्ने बयान दिएपनि अनुसन्धानका लागि उनलाई पक्राउ गरिएको हो । पहिला चरीकै समुहमा हरेका राधे भनिने राधाकृष्ण भण्डारीले उनलाई गोली हानेका थिए ।

चरीलाई काठमाण्डौं परिसरको हिरासतमा राखिएको छ । प्रहरीले आज उनलाई हातहतियार तथा खरखजना मुद्दामा म्याद थप्ने तयारी गरेको छ भने उनका सहयोगी हरुले भने म्याद थप नगर्न दबाब दिँदै धादिङ बन्दको आह्वान गरेका छन् ।