इराकमा ९२ वर्षे कृषकको २२ वर्षीयासँग बिहे

भिडियो हेर्नको माथि को बक्स मा डबल क्लिक गर्नु होस्

बग्दाद (एएफपी), असार २३ - पुस्तान्तरको पर्वाह नगर्दै इराकमा एक ९२ वर्षे कृषकले २२ वर्षीया महिलासँग बिहे गरेका छन् । बेहुली मुना मुख्लिफ अल-जुबुरी र बेहुला मुसली मोहम्मद अल-मुजामायबीच ७० वर्षको फरक छ । उनी र उनका दुई नाति (१६ र १७ वर्ष) को बिहे पनि एकैपटक गरिएको छ । हजुरबुवाका लागि सर्वगुण सम्पन्न सुन्दरीको खोजीमा नातिहरू पनि लागेका थिए । राजधानी बग्दादको उत्तरी किनारस्थित गुब्बान गाउँमा यो बिहे सम्पन्न भएको थियो । वृद्ध कृषक मुसलीको पहिलो पत्नीको तीन वर्षअघि ५८ वर्षको उमेरमा निधन भएको थियो । उनको पहिलो श्रीमतीबाट १६ सन्तान छन् । किशोर नातिसँगै बिहे गर्दा आफूलाई २० वर्षको ठिटोझैं अनुभूति भएको उनले बताए । नृत्य, संगीत र हवाई फायरबीच चार घन्टासम्म बिहेको विधि चलेको थियो । यो बिहेमा ठूलो संख्यामा स्थानीय आदिवासी नेता र धर्मगुरुहरूको उपस्थिति थियो । हजुरबुवा र दुई नातिहरूको एकसाथ जोडी हेर्न ठूलो भीड लागेको थियो । बेहुला-बेहुलीको पहिरन पनि हेर्न लायकको थियो ।