"सुटिङका बेला रोटी मन पर्छ"

भिडियो हेर्नको माथि को बक्स मा डबल क्लिक गर्नु होस्

पछिल्लो समय लेखनतिर समेत हात बढाइरहेकी अभिनेत्री गरिमा पन्त भान्सामा पनि उत्तिकै सौखिन छिन् । भाउजू भान्सामा छिरेपछि उनी पछिपछि लाग्छिन् रे, सघाउन । तनहुँ घर भई हाल सामाखुसीमा बस्दै आएकी उनले भान्सामा आमा र भाउजूलाई पछ्याउँदा पछ्याउँदै सामान्य नेपाली परिकार बनाउन सिकेको बताइन् । 'दाल, भात र तरकारी मज्जाले पकाउँछु,' हालैको कुराकानीमा उनी हाँसिन्, 'मीठो होला, नहोला त्योचाहिँ खाने मान्छेमा भर पर्छ है ।' 'निखिल दाइ' बाट नेपाली रजतपटमा छिरेकी उनले खाना पकाउनभन्दा चाख्न सिपालु रहेको खुलाइन् । प्याज, टमाटर, खोर्सानी र लसुन केलाउनेदेखि तरकारी काट्ने स-साना काममा सघाउँदा पनि भान्सासम्बन्धी निकै ज्ञान हासिल हुने उनको अनुभव छ । 'मेरो विचारमा जमाना नयाँ छ, युवतीहरू अब हरेक कुरामा पर्फ]{ट हुनुपर्छ,' उनले भनिन्, 'घरयासीदेखि बाहिरका कामसम्ममा ।' भान्सामा पस्न भने उनलाई मुडले काम गर्नुपर्छ । किनभने खाना बनाउने उनको दैनिकी होइन । 'तर, मुड चल्यो भने सबै आफैं पकाउँछु,' उनले भनिन्, 'भान्सामा जो भए पनि तरकारी चाख्नचाहिँ मलाई नै बोलाउँछन् ।' भाउजूले बनाएको टिमुर र टमाटरको अचार उनलाई निकै मन पर्छ रे । चिकेन ग्रेभी उनी साह्रै नै मीठो पकाउँछिन् रे । 'यो मेरो मन पर्ने परिकार हो,' उनले भनिन् । 'अर्जुनदेव', 'प्रीतिको फूल,' 'दानवीर', 'सम्झना' लगायत एकदर्जन बढी फिल्ममा अभिनय गरिसकेकी गरिमाको नयाँ फिल्म 'पढाइ' प्रदर्शन क्रममा छ । 'परदेश' फिल्मका लागि यही महिना युरोप जाने तयारी गरिरहेकी उनको 'झोला' फिल्म अहिले डबिङमा छ । सुटिङका बेला उनी प्रायः रोटी खाने गर्छिन् । भात र स्पाइसी खानाले काममा अल्छीपन आउने हुँदा प्रायः रोटी नै खान उपयुक्त ठान्छिन् उनी । 'खानपानले नियमित काममा धेरै नै असर गर्छ,' उनले भनिन्,'त्यही भएर कामका बेला हल्का खानेकुरा खान्छु ।' अमिलो, पीरो, तैलीय खाना सकेसम्म कम खाने उनले चटपटेको लतचाहिँ छुटाउन नसकेको बताइन् । 'देखेपछि जिब्रो नै रसाएर आउँछ,' उनले भनिन् । दिनमा तीन लिटर पानी अनिवार्य खान भने उनी छुटाउँदिनन् । साथीभाइसितको सम्बन्ध व्यवस्थित गर्न र सोसियल हुन उनी कहिलेकाहीं इच्छा नहुँदा नहुँदै पनि वाइन र हि्वस्की चाख्छिन् । 'रक्सीको टेस्ट त पटक्कै मन पर्दैन,' उनले भनिन्, 'तर, पनि साथीभाइको मन राख्न खाएजस्तै गरिदिन्छु ।' चार वर्षअघि भतिजाको जन्मदिनमा घरमा वाइन खाएर निकै वान्ता गरेको सम्भिmन् उनले । त्यसबेलादेखि उनलाई वाइन र रक्सीप्रति खासै चासो लाग्ोको छैन रे । 'सेलिब्रेटी भएपछि मन नपरे पनि रिलेसन मेन्टेन गर्न खाएजस्तै गर्नुपर्दो रहेछ,' उनले भनिन्, 'तर, आफूलाई असर हुने तरिकाले चाहिँ कुनै पनि खानेकुरा खादिनँ ।'