आचरण विपरीत काम गर्ने ५२ प्रहरीलाई कारबाही अपराधका घटना बढ्दो

भिडियो हेर्नको माथि को बक्स मा डबल क्लिक गर्नु होस्

९ साउन, दाङ । जिल्ला प्रहरी कार्यालय दाङले आचरण विपरीत काम गरेको भन्दै प्रहरी नायव निरीक्षकदेखि जवानसम्म ५२ जनालाई कारबाही गरेको छ । ८ जनालाई जागिर बाटै हटाइएको छ भने २ जनालाई निलम्बन गरिएको छ । त्यस्तै अन्य ४२ जनालाई बिभिन्न प्रकारका कार्वाही गरिएको छ । नोकरीबाट हटाइएकाहरुमा १ जना हवल्दार र ७ जना जवान रहेका छन् । उनिहरु मध्य एक जवान जवरजस्ती करणीमा संलग्न भएको र अन्य गम्भिर आचारण विपरीत कार्य गरेकाले सेवाबाटै बर्खास्त गरिएको जिल्ला प्रहरी कार्यालय दाङका अनुसन्धान अधिकृत प्रहरी निरीक्षक रामप्रसाद घर्तीले जानकारी दिनुभएको छ । कार्वाहीमा पर्नेहरुमा ३० जना जवानलाई नसिहत, शक्त चेतावनी ३ जवान, २ हवल्दार, १ प्रहरी सहायक निरीक्षक र २ प्रहरी नायव निरीक्षक रहेका छन् । त्यस्तै चालचलन सम्बन्ध प्रतिकुल राय लेखनमा १ जना हवल्दार, स्केल घटुवा २ जवान र पदोन्नती रोक्का १ जवानको भएको अधिकृत घर्तीले जानकारी दिनुभयो । बर्षै पिच्छे अपराधिक घटनाहरु बढ्दै दाङमा बर्षै पिच्छे अपराधिक घटनाहरु बढ्दै गएको एक तथ्याङकले देखाएको छ । बितेको चार आर्थिक बर्षको तुलनमा बर्षै पिच्छे साना ठुला अपराधका घटनाहरु बढ्दै गएको प्रहरीमा आएको मुद्धाको तथ्याङकले देखाएको हो । सरुवा भएर काठमाडौ जान लाग्नुभएका दाङका प्रहरी प्रमुख एसपि लोकेन्द्र मल्लले आयोजना गर्नुभएको पत्रकार भेटघाटका क्रममा बितरित अपराध तालिकामा बर्षै पिच्छे अपराधका घटना बढेको देखिएको हो । जस अन्तरगत आर्थिक बर्ष २०६६/६७ मा ४ सय ३४ वटा मुद्धा दर्ताभएकोमा ४ सय २५ वटा फच्र्यौट भएका छन भने ९ मुद्धा अझै बाँकी रहेको छ । त्यस्तै आर्थिक बर्ष २०६७/६८ मा ४ सय ४९ वटा मुद्धा प्रहरीको दर्ता भएकोमा ३ सय ३६ वटा मुद्धा फच्र्यौट भएका र १२ वटा बाँकी रहेको छ । यसैगरि आर्थिक बर्ष २०६८/६९ मा ४ सय ६८ वटा मुद्धा आएकोमा २ सय ३ वटा फच्र्यौट भएको र २ सय ६५ वटा बाँकी रहेको देखिएको छ । यस्तै आर्थीक बर्ष २०६९/७० मा ४ सय ८३ वटा मुद्धा दर्ताभएकोमा २ सय १६ फच्र्यौट भएका छन भने २ सय ६७ वटा मुद्धा फच्र्यौट हुन बाँकी रहेको अनुसन्धान अधिकृत घर्तीले जानकारी दिनुभयो ।