हत्या भएको आठ वर्षपछि पक्राउ

भिडियो हेर्नको माथि को बक्स मा डबल क्लिक गर्नु होस्

स्याङ्जा, असार ३१ - स्याङ्जाको बाङ्सिङ गाविस–३ का डिलबहादुर विक र भानुभक्त विकको हत्या भएको झन्डै आठ वर्षपछि आइतबार प्रहरीले एक जनालाई पक्राउ गर्न सफल भएको छ । जिल्ला प्रहरी कार्यालय स्याङ्जाका प्रहरी निरीक्षक हरिबहादुर बडुवालका अनुसार पक्राउ पर्नेमा बाँगेफड्के गाविस–३ का सानुभाइ भनिने राजेन्द्र गुरुङ रहेका छन् । प्रहरी निरीक्षक बडुवालका अनुसार बाङ्सिङ गाविस–९ डाँडाघर बस्ने लालबहादुर क्षेत्रीको गत २०६२ साल फागुन १८ गते भएको विवाहमा नाचगान गर्ने क्रममा भएको झडपमा विकद्वयको हत्या भएको थियो । विकद्वयको हत्याको अभियोगमा विक परिवारले २०६२ सालमै गुरुङसमेतको नाममा जाहेरी दर्ता गराएको थियो । हत्याको आरोप लागेको अन्य आधादर्जन अभियुक्त भने अझै फरार रहेको प्रहरी निरीक्षक बडुवालले बताए । उनीहरूको खोजी कार्यलाई पनि तीव्रता दिइएको जिप्रकाले जनाएको छ । रासस