अफगानी राष्टपतिको क्षमादानबाट थापा घर फिर्ता जासुसी आरोपमा अफगानी जेलमा रहेका नेपालीको रिहाई\

भिडियो हेर्नको माथि को बक्स मा डबल क्लिक गर्नु होस्

दोहा, असार ३० - अफगानिस्तान बिरुद्ध जासुसी गरेको आरोपमा २० बर्षे कारावास सजाय बेहोरिरहेका तनहुाका तिलकबहादुर थापालाई अफगानी राष्टपति हमिद कारजाहीले क्षमादान दिएपछि उनी आइतबार नेपाल र्फकने भएका छन् ।

दुइ महिनायता काबुलस्थित कारागारमा राखिएका उनलाई राष्टपतिको क्षमादान (एम्नेष्टी) दिनासाथै अफगान अधिकारीकै रहोबरमा बिमानस्थलसम्म ल्याई बिशेष सतर्कताका साथ दुबइ हुँदै काठमाडौं फिर्ता गरिएको थियो ।

गत मे महिनामा अफ्गानिस्तान मामला समेत हेर्ने इश्लामाबादस्थित राजदूत भरतराज पौड्यालले राष्टपति कारजाईसमक्ष ओहोदाको प्रमाणपत्र बुझाउने क्रममा थापाको क्षमादान र रिहाईका लागि आग्रह गरेका थिए । त्यस अवसरमा राजदुत पौड्यालले नेपाल सरकारका तर्फबाट लेखिएको अनुरोध पत्र राष्टपति कारजाइसमक्ष बुझाएका थिए । 'क्षमादान पाएपछि मैंले तिलकबहादुरसँग फोनमा कुराकानी गरें, उनी अफगान सरकारसँग कृतज्ञ छन्',राजदूत पौड्यालले फोनमा भने ।

थापाको रिहाईपछि ईस्लामाबादस्थित दुतावासबाट जारी बिज्ञप्तीमा अफगान सरकारप्रति हार्दिक आभार जनाइएको छ । तनहुँका थापा आफ्गानिस्तानमा बिगत ७ र्बषदेखि कार्यरत थिए ।

२०११ को अपि्रल १९ मा हेल्माण्ड प्रान्तमा रहेका उनले काम गर्ने कन्ट्याक्ट कन्स्टक्सन कम्पनीबाटै उनी गिरफ्तार भएका थिए । अफगानि शक्तीशाली जासुसी सास्था नेशनल डिरेक्टोरेट अफ ईन्टेलिजेन्स (एनडिएस) का अधिकारीले उनी सहित एक पाकिस्तानी र दुई आफ्गान सहकर्मीलाई पाकिस्तानी जासुसी सास्था आईएसआईलाई ईमेलर्माफत सुचना विवरण चुहाउने काम गरेको आरोप लगाएका थिए । यो अभियोगमा हेलमान्डको प्रान्तीय अदालतले थापालाई पहिले १६ र्बष कैद सजाय तोकेको थियो । सर्वोच्चमा पुगेको यो मुद्धामा न्यायधिसले थप ४ र्बष गरि २० र्बष कैद तोकेका थिए। हेल्माण्डस्थित जेलमा कैद सजाय भोगिरहेका थापालाई राजदूत पौडेलले अनुरोध गरेको भोलिपल्टै काबुलस्थित तौकिफ भनिने डिटेन्सन सेन्टरमा ल्याईएको थियो । थापाले भने उक्त आरोपको खण्डन र्गदै आएका छन्  ।