‘ग्याम्बलर’मा फर्किइन् बीना, सुमनलाई क्यासिनोको लत

भिडियो हेर्नको माथि को बक्स मा डबल क्लिक गर्नु होस्

भदौ ७ गतेबाट प्रदर्शनमा आउन लागेको चलचित्र ‘ग्याम्बलर’मा कलाकार बिना बुढाथोकीलाई पनि देख्न सकिनेछ । लामो समयदेखि अमेरिकामा बस्दै आएकी बिनाले नेपाल आएको समयमा यो चलचित्रमा अभिनय गरेकी हुन् । चलचित्र ‘मोहनी’ मा बिनाले गरेको अभिनयलाई दर्शकले अझै पनि बिर्सन सकेका छैनन् ।रमेश बुढाथोकीको निर्देशनमा तयार भएको यो चलचित्रमा राजेश हमाल, सुमन सिंह, कल्पना शाही, सोनिया केसी लगायतका कलाकारको अभिनय छ । चलचित्रमा शम्भुजित बास्कोटाले संगीत भरेका छन् ।

यादव गुरुङको निर्माणमा चुन्नी कुमारी गुरुङको प्रस्तुती रहेको ‘ग्याम्बलर’ हाई बजेटमा निर्माण भएको निर्माणपक्षले जनाएको छ । चलचित्रले क्यासिनोको लत लागेपछि मानिसले के के सम्म गर्छ भन्ने कुरालाई उठान गरेको छ । चलचित्रमा नायक सुमन सिंह मुख्य भूमिकामा छन् ।