परिषद्‍मा १० महिनादेखि रोकियो बढुवा फाइल

भिडियो हेर्नको माथि को बक्स मा डबल क्लिक गर्नु होस्

काठमाडौ, असार १५ - उच्च माध्यमिक शिक्षा परिषद्का महत्वपूर्ण शाखाहरु निमित्तका भरमा चलेका छन् । परिषद्ले भने १० महिनादेखि बढुवा गर्नु पर्ने फाइल थन्क्याएर राखेको छ । फाइल अगाडि बनबढ्दा परिषद्का दर्जनौं कर्मचारी बढुवा हुन सकेको छैन । बढुवा नगर्नुको खास कारण नेतृत्वले दिन सकेको छैन । महिनौं बढुवा रोकेको विषयमा कर्मचारीले गोप्य रुपमा अख्तियार गुहार्ने तयारीमा छन् । बढुवा नगर्दा परिषद्को महत्वपूर्ण महाशाखाहरु परीक्षा नियन्त्रण र पाठ्यक्रम निमित्तका भरमा चलेको छ । उपाध्यक्ष र सदस्यसचिवले यसमा कुने चासो दिएका छैनन् । 'दश महिनादेखि बढुवाको फाइल शंकास्पद तरिकाले रोकिएको छ', परिषद्का एक जना अधिकारीले भने, 'सदस्यसचिव व्यक्तिगत स्वार्थमा लागे होलान् भनने त लाग्दैन । निमित्तका भरमा कार्यलय चल्दा पनि आफ्ना कर्मचारीको वृत्ति विकासमा किन वेवास्ता गरे बुझिनसक्नु छ ।' परिषद्मा अहिले ३ वटा महाशाखा प्रमुखको पद खाली छ । परिषद्का अधिकारीहरुले त्यो पदलाई सहसचिव भन्ने गरेका छन् । शिक्षा मन्त्रालयले भने परिषद्मा सहसचवि पदनै नभएको र गैरकानुनी रुपमा आफूलाई सहसचिव दावी गर्दै आएको बताएको छ । सबैभन्दा आकर्षक र महत्वपूर्ण नियन्त्रक पद वर्षौंदेखि निमित्तका भरमा चलेको छ । बढुवामा करिब ८ जनाको प्रतिस्पर्धा छ । कार्यसम्पादन मूल्यांकन, योग्यता र जेष्ठताका आधारमा बढुवा गरिनु पर्ने कर्मचारीको माग छ । 'त्यसो भएन भने हामी अख्तियार जनेछौं', कर्मचारी संगठनका एक जना अधिकारीले भने, 'हामीले ठानेका छौं त्यस्तो नहोस् । कानुनी हिसाबले काम होस् ।' उसचिव नहुदा परिषद्का ८ वटा क्षेत्रीय कायालयमध्ये ५ वटा शाखा अधिकृतले निमित्तका रुपमा चलाएका छन् । छ जना उपसचिवको पद खाली छ । ६ जना उपसचिव बढुवा हुनु पर्ने फाइल पनि रोकिएको छ । पदाधिकारीले छिट्टै हुने जवाफ दिने गरेका छन् । 'निर्वाचनको आचार संहिता लागू हुने बेला भइसक्दा पनि परिषद् नेतृत्व त्यसप्रति उदास देखिएको छ', एक कर्मचारीले भने, 'अहिले फाइल गुपचुप राखेर निर्वाचन आचार संहिताको बहानामा पर सार्न खोजेजस्तो देखिन्छ । केही दिनमा बढुवा प्रकृया अघि नबढे हामी पनि आफ्नै हिसाबले लाग्ने तयारीमा छौं ।' प्रत्येक चार वर्ष पूरा गरेका कर्मचारी बढुवाका लागि योग्य मानिन्छन् । समयमा बढुवा नहुदा कर्मचारीको वृत्ति विकास रोकिने र काम गर्ने उत्साह नहुने गुनासो उनीहरुले सदस्यसचिव र उपाध्यक्षसित पटक पटक गरेका छन् । सदस्य सचिवले भने यसबारे कुनै प्रतिक्रिया दिएका छैनन् ।