सफ्ट डि्रंक्सले लिँदै छ ज्यान

भिडियो हेर्नको माथि को बक्स मा डबल क्लिक गर्नु होस्

सोडा वा कोल्ड डि्रंक्सले विश्वभरिमा वर्षेनि १ लाख ८० हजार जनाको मृत्यु हुने गरेको छ । अमेरिकन हार्ट एसोसिएसनको सन २०१३ को वैज्ञानिक सत्रमा प्रस्तुत अध्ययनमा बताइए अनुसार, चिनीले परिपूर्ण कोल्ड डि्रंक खानाले शरीरको तौलमा धेरै वृद्घी हुन्छ । यसले मधुमेहको खतरा बढाउनुका साथै मुटु रोगको सम्भावनामा समेत वृद्घि गर्छ । यस्तै कोल्ड डि्रंक्स औधि सेवन गर्ने केही व्यक्तिमा क्यान्सरसमेत देखिएको छ । उक्त अध्ययनको २०१० को 'ग्लोबल बर्डन अफ डिजिज स्टडी' अन्तर्गत तथ्यांक संकलन गरिएको थियो । अध्ययनकर्ताका अनुसार, कोल्ड डि्रंक्स सेवन गर्नेहरूमध्ये १ लाख ३३ हजार जनाको मृत्यु मधुमेहले, ४४ हजारको मृत्यु मुटु रोगले र ६ हजारजनाको क्यान्सरले भएको थियो । ७० प्रतिशत मृत्यु चिनी मजाले हालिएको कोल्ड डि्रंक्स धेरै खपत हुने मध्यम आयवर्ग भएको मुलुकमा हुने गरेको पाइयो । धनी राष्ट्रमा त्यस्तो पाइएन । सबैभन्दा बढी जनसंख्या भएका १५ मुलुकमध्ये कोल्ड डि्रंक्सको प्रतिव्यक्ति उपभोग सबैभन्दा बढी मेक्सिकोमा हुने गरेको छ भने सबैभन्दा कम जापानमा । अध्ययनमा देखिए अनुसार, कोल्ड डि्रंक्सबाट सबैभन्दा बढी मृत्यु मेक्सिकोमा र सबैभन्दा कम जापानमा भयो ।