मानवअधिकारवादी लाई जोगाउने ब्रासलेट

भिडियो हेर्नको माथि को बक्स मा डबल क्लिक गर्नु होस्

विश्वमा मानव अधिकारको क्षेत्रमा क्रियाशील मानव अधिकारकर्मी तथा विभिन्न देशमा क्रियाशील मानवीय सहायकताकर्मीहरुको सुरक्षा गर्ने ब्रासलेट बजारमा आउँदैछ । जोखिमपूर्ण क्षेत्रमा काम गरिरहेका मानव अधिकारकर्मी तथा सहायताकर्मीको सुरक्षाका लागि उच्च प्रविधिउक्त ब्रासलेट निर्माण गरिएको हो ।

यो ब्रासलेट अपहरण तथा हत्याको जोखिममा रहेका मानवअधिकारकर्मी तथा सहकायताकर्मीहरु को लागि लक्षित रहेको बताइएको छ । यो ब्रासलेट लगाउने व्यक्ति जब खतराजनक स्थितिमा पुग्छ तब यसमा जडित फोन तथा स्याटेलाइट प्रणालीले त्यसको सूचना प्रवाह गर्दछ ।

यस्तो चेतावनी युक्त सन्देश फेसबुक तथा टि्वटरमा प्रवाहित हुन्छ । त्यस्तो सूचना सम्बन्धित निकायले प्राप्त गर्ने भएकाले चेतावनीयुक्त सूचना पाउने बित्तिकै जोखिमपूर्ण स्थितिमा रहेका मानव अधिकारकर्मी तथा सहायताकर्मीहरुको तत्काल उद्दार गर्न सकिने सम्भावना रहन्छ ।

यहीँ हप्ताभित्रमा यो उच्च प्रविधियुक्त ब्रासलेट सार्वजनिक गरिने सिभिल राइट डिफेन्डर नामक मानव अधिकारवादी संस्थाले जनाएको छ ।