भिडियो हेर्नको माथि को बक्स मा डबल क्लिक गर्नु होस्
२२ चैत, काठमाडौं । राजधानीको हनुमानढोकास्थित पुरातात्विक महत्वको ढुकुटीका के छ भन्ने कुरा अझै थाहा हुन सकेको छैन । दशकौं पुरानो ढुकुटी खोल्न बिहीबार बिहानैदेखि पुरातत्व विभाग नेतृत्वको टोली खटिएपनि सामान पत्ता लाग्न सकेको छैन । दिउँसो ३ बजेसम्म ढुकुटीमा के छ भन्ने कुरा थाहा हुने बताइएपनि हेर्न भित्र छिरेको टोली बाहिर निस्केको छैन ।
हनुमानढोकामा अवस्थित पुरानो र जीर्ण घरभित्र झाडी पन्छाउँदै गएको टोलीले ढुकुटी खोल्ने काम गरिरहेको छ । टोलीमा संगै रहेका एक कर्मचारीले बाहिर आएर दिएको जानकारी अनुसार कोठाभित्र बाकसको थुप्रो भेटिएको छ । तर बाकसभित्र के छ भन्नेकुरा चाहिँ अझै हेर्न नभ्याएको उनले बताए ।
ढुकुटीमा मल्लकालदेखिका पुराना र ऐतिहासिक धनमाल रहेको अनुमान छ । कहिल्यै नखोलेको भनिएको ढुकुटी २०१५ सालमा खोलेर ७५ लाख भारतीय रुपैंया सटही गरिएको थियो । ढुकुटीमा देवी-देवताको नाममा रहेका अनगिन्ती गहना र अथाह सम्पत्ति हुन सक्ने अनुमान छ । ढुकुटी खोल्ने बित्तिकै त्यहाँ रहेका धनमाल र सम्पत्ति सार्वजनिक गरिने विभागले जनाएको छ ।
सयौं वर्ष पुरानो ढुकुटी मक्किएर ढल्न लागेपछि सरकारले खोल्न निर्देशन दिएको हो । आचार संहिता नै बनाएर कडा सुरक्षाबीच ढुकुटी खोल्ने काम भैरहेको हो ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.