भिडियो हेर्नको माथि को बक्स मा डबल क्लिक गर्नु होस्
२३ चैत, काठमाण्डौ । पार्टीको महासमिति वैठक नजिकिँदै गर्दा काँग्रेसभित्र अस्वस्थ नेताहरुको खोजी हुन थालेको छ । १२ औँ महाधिवेशन भएको २ वर्षपछि पहिलोपटक नवलपरासीमा बस्न लागेको महासमिति वैठकमा अस्वस्थ नेताहरुको लागि शान्त ठाउँमा बसोबासको व्यवस्था मिलाउन लागिएको हुँदा नवलपरासी कांग्रेसले त्यस्ता नेताहरुको सूची तयार पार्न लागेको हो ।
नवलपरासी कांग्रेसका सभापति देवेन्द्रराज कँडेलले महासमिति वैठकमा सहभागी हुनेमध्ये अस्वस्थ नेताहरुको संख्या झण्डै २५ देखि ३० जना रहेको जानकारी दिनुभयो । यस्ता अस्वस्थ नेताहरुमा महामन्त्री प्रकाशमान सिंह, केन्द्रीय सदस्यहरु अर्जुननरसिंह केसी, सुजाता कोइराला, मिना सुब्बा, लिला कोइराला लगायत छन् । उनीहरुलाई नवलपरासीका लोटस होटल, ग्रीन ल्याण्ड होटल, सुनवलको सनसाइन होटल, आशा होटल लगायतका सुविधासम्पन्न होटलमा बस्ने व्यवस्था मिलाइएको छ ।
यसवाहेक अन्य नेता, कार्यकर्तालाई भने वन्दसत्र हुने स्थल त्रिवेणीधाममा रहेको गजेन्द्रमोक्ष धाम आश्रममा बस्ने व्यवस्था मिलाइएको आयोजक समितिका संयोजक समेत रहेका काँग्रेस नवलपरासीका सभापति कँडेलले जानकारी दिनुभयो । महासमिति वैठकमा झण्डै २५ सयको हाराहारीमा नेता, कार्यकर्ता र अरु पाहुना सहभागी हुने अनुमान छ ।
चहलपहल शुरु
महासमिति बैठकको मिति नजिकिँदै गर्दा नवलपरासीमा काँग्रेस कार्यकर्ताको चहलपहल बढ्न थालेको छ । काँग्रेस महासमिति वैठकको तयारीमा गाउँ र जिल्ला तहका नेतादेखि कार्यकर्ताहरु जुटेका छन् । महासमिति वैठकको तयारीका लागि बिभिन्न समितिहरु बनाइएको छ ।
चैत २६ गते परासी बजारमा उद्घाटन हुने समारोहको मञ्च लगायतका व्यवस्थाको जिम्मा रामग्राम नगर कमिटीलाई दिइएको नवलपरासी सभापति कँडेलले जानकारी दिनुभयो ।
तयारी ९० प्रतिशत पूरा
आगामी चैत २६ देखि २९ गतेसम्म नवलपरासीको त्रिवेणीधाममा हुने महासमिति वैठकको तयारी करीब ९० प्रतिशत सकिएको आयोजक समितिले जानकारी दिएको छ । आयोजक समिति संयोजक देवेन्द्रराज कँडेलका अनुसार महासमिति वैठकका लागि तयारी गर्न गठन गठन गरिएको ५ सय २५ सदस्यीय मूल आयोजक समिति गठन गरिएको छ ।
मूल कार्यसमिति मतहातमा अन्य विभिन्न उपसमितिहरु समेत गठन गरिएको छ । नवलवसारीको परासी शहर बजार तथा गाउँ-गाउँमा काँग्रेसका झण्डा, गेट बनाएर शहर तथा गाउँ झकिझकाउ बनाउन कार्यकर्ताहरु लागि परेका छन् । परासी बजार, नगर, गाउँ तथा कार्यक्रमस्थल सिंगार्ने काम शुक्रबार विहानबाट सुरु भएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.