मिङ्सको ‘इट्स ह्यापेन’

भिडियो हेर्नको माथि को बक्स मा डबल क्लिक गर्नु होस्

गायिका मिङ्स लामाले आफ्नो डेब्यु एल्बम ‘इट्स ह्यापेन यट टु बी’ बजारमा ल्याएकी छिन् । एल्बमको काठमाण्डौमा आयोजना गरिएको एक कार्यक्रममा बिमोचन गरिएको थियो ।यो एल्बमलाई बिकासा इन्टरटेनमेन्टको प्रस्तुतीमा ग्रेट म्युजिकले बजारमा ल्याएको हो । एल्बममा च्याङ्गवा, मरो मन, जन्म जन्म, कस्तो माया बस्यो, कस्तो माया लाएछु र सम्झना गरी ६ वटा गीतहरु समाबेश गरिएको छ । एल्बममा समावेश गीतमा शंकर अधिकारी ‘घायल’, ओम बिक्रम बिष्ट, सन्दिप पुडासैनी, कमलमान सिंह, प्रमोद निर्वाण, नबिनमान ब्लोनको शब्द छ । यस्तै गीतमा शंकर पौडेल, ओम बिक्रम बिष्ट, सन्दिप पुडासैनी, कमलमान सिंह, प्रमोद निर्वाण र नबिनमान ब्लोनको संगित समावेश गरिएको छ ।

कार्यक्रममा ‘कस्तो माया बस्यो’ बोलको गीतको भिडियो समेत प्रस्तुत गरिएको थियो । यो भिडियोमा पल शाह र प्रशंसाले अभिनय गरेका छन् । पल शाह कै सम्पादन तयार भएको भिडियोलाई ज्ञानेन्द्र शर्मालेे छायाँकन गरेका हुन् । पछिल्लो समयका ब्यस्त निर्देशक बिकास सुबेदीको निर्देशनमा तयार भएको भिडियोको छायाँकन धुलिखेलमा गरिएको छ ।