सिरहा एलडिओ निवासमा बम विस्फोट

भिडियो हेर्नको माथि को बक्स मा डबल क्लिक गर्नु होस्

लहान, चैत १६- जिल्ला विकास सिरहाका एलडिओ निवासमा बम विष्फोट भएको छ। बम विष्फोटबाट एलडिओ क्वाटरको माथिल्लो तल्लामा ओछयाइएको कार्पेट र झयालमा क्षति पुगेको छ। तीन/चार जनाको समूहले एलडिओ निवासमा केही फालेको केहीबेरमै विष्फोट भएको स्थानीयले बताए। प्रत्यक्षदर्शीका अनुसार फालेको केहीबेरमै उनको निवासमा आगो लागेको थियो। विष्फोटका बेला भवन खाली रहेकाले मानवीय क्षति हुन नपाएको प्रहरीले जनाएको छ। आगो प्रहरीले निभएका छन्। घटनास्थलमा अहिले ब्यापक प्रहरी परिचालन गरिएको छ। घटनाको जिम्मेबारी तराई कम्युनिष्ट पार्टी नामक भूमिगत संगठनले लिएको छ। सिरहा जिल्ला एसटिएफ कमाण्डर कृष्ण मधेसीले घटनाको जिम्मेवारी लिँदै स्थानीय विकास अधिकारी विजयराज सुवेदी जिल्ला विकासलाई भ्रष्टाचारको केन्द्र बनाइ अतुक सम्पत्ति आर्जन गरेकाले चेतावनीस्वरुप यो विष्फोट गराइएको सञ्चारकर्मीलाई बताए।