रेलको लिकमा हाम्फालेर मलेसियामा नेपालीले आत्महत्या गरे

भिडियो हेर्नको माथि को बक्स मा डबल क्लिक गर्नु होस्

जोहोरबारु । मलेसियामा एक नेपालीले रेलको लिकमा हामफालेर आत्महत्या गरेका छन् । महोत्तरीको सरपल्लो -९ घर भई जोहोरको सेनाई पिण्डुमा रहेको अल्टम कम्पनीमा कार्यरत अन्दाजी २२ वर्षका राकेश शहनीले आत्महत्या गरेका हुन् । गत सोमवार १० वजेतिर खाना खाई उनी होस्टलवाट वाहिरिएका थिए । त्यसको केहि समयपछि सालिङमा रहेको रेलको लिक पुगेर उनले आत्महत्या गरेका थिए । रेलले हर्न वजाउदा पहिलोपटक वाहिरिए पनि उनी फेरि लिकमै फर्किएर बसेको प्रत्यक्षदर्शीले बताएका छन् । तिव्र गतिमा आएको रेलले उनलाई क्षतविक्षत हुनेगरी किचेको उनका भिनाजु संजय सहनीले जानकारी दिए । मृतक शहनी चार वर्षदेखि मलेसियामा कार्यरत रहेका थिए । उनको शवलाई शुक्रबार नेपाल पठाइएको छ ।