भिडियो हेर्नको माथि को बक्स मा डबल क्लिक गर्नु होस्
अमेरिकी शोधकर्ताहरुका अनुसार रगत परीक्षणको माध्यमबाट समयमै अल्जाइमर अर्थात विर्सने विमारीबारे जानकारी पाउन सकिन्छ ।
रगतमा हुने दश बोसोको स्तरको परीक्षण गरेर आउने तीन वर्षमा अल्जाइमरको जोखिम ९० प्रतिशतसम्म सटिक रुपमा जान्न सकिन्छ । नेचर मेडिसिन जर्नलमा छापिएको अध्ययन अनुसार अब यो अध्ययनलाई ठूलो स्केलमा परिक्षण गरिँदैछ ।
अल्जाइमर यस्तो विमारी हो, जसले विरामीको स्मरण शक्तिलाई कमजोर बनाउँछ र यसको अहिलेसम्म कुनै उपचार छैन । अहिले विश्वमा ४.४ करोड मानिस यो समस्याबाट पीडित छन् र २०५० सम्ममा यो तीन गुणा हुने अनुमान छ ।
यो रोगले गोप्य रुपमा दिमागमा असर गर्छ र करीव एक दशकपछि यसको प्रारम्भीक लक्ष्यण देखा पर्छ । निकै ढिला मात्र थाहा हुने र यसको औषधीको परीक्षण सफल नभएकाले डाक्टरहरुले यसलाई उपचारहिन रोग भन्ने गरेका छन् ।
त्यसैले अहिले भइरहेका अध्ययनहरु समयमै अल्जाइमरको जोखिम पत्ता लगाउनेतर्फ केन्द्रीत रहशेका छन् । बाशिंगटन डिसीस्थित जर्जटाउन विश्वविद्यालयका बैज्ञानिकहरुले ५ सय २५ जनाको रगतको नमूनाको विश्लेषण गरे । उनीहरु सबैको उमेर ७० वर्षभन्दा बढी थियो र अध्ययन पाँच वर्षसम्म चल्यो ।
उनीहरुमध्ये ५३ यस्ता व्यक्ति छानियो, जसलाई अल्जाइमरको समस्या भएको अनुमान थियो वा अल्जाइमरको अवस्था प्रारम्भीक थियो । उनीहरुको तुलना मानसिक रुपमा मवबुत रहेाक ५३ व्यक्तिको रगतसँग गरिएको थियो ।
बैज्ञानिकहरुले दुबै समूहको बीचमा दश लिपिड वा बोसोको स्तरमा फरक पाए । यसपछि शोधकर्ताहरुले अर्को रगतको नमूना लिए, जसले बोसोको आधारमा आउने दिनमा अल्जाइमरको जोखिम थाहा पाउन सकिने पत्ता लाग्यो ।
रक्त परिक्षणबाटै अल्जाइमरको खतराबारे पूर्व सूचना पाइने
Written By sangalo on Thursday, March 13, 2014
भिडियो हेर्न तल को बक्सको बिज्ञापन काटेर हेर्नु होस्
Labels:
health,
यौन/स्वास्थ्य
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.