भिडियो हेर्नको माथि को बक्स मा डबल क्लिक गर्नु होस्
११ भदौ, काठमाण्डौं । संविधानसभा विघटन भएपछि नयाँ बानेश्वरस्थित वीरेन्द्र अन्तर्राष्ट्रिय सम्मेलन केन्द्रका बैठक कक्ष हलहरु उपयोग हुन छाडे पनि संविधानसभा, व्यवस्थापिका संसद सचिवालयले भने केन्द्रलाई मासिक भाडा तिर्दै आएको छ ।
२०६९ जेठमा सभा विघटनदेखि उपयोग नै नभएका हलहरुको भाडा वाषिर्क सात करोड रुपैयाँ छ । वि.सं. २०६४ को संविधानसभा निर्वाचनमा ६०१ जना प्रतिनिधि निर्वाचित भएपछि सिंहदरबारस्थित संसद भवन सानो भएकाले संसद सचिवालयले. सो केन्द्रको मुख्यालयलगायत केही हलहरु भाडामा लिएर संविधानसभा तथा संसद बैठक सञ्चालनको व्यवस्था मिलाएको थियो ।
मासिक करिब साढे ५८ लाख भाडा पर्ने उक्त हल आगामी संविधानसभा गठन नहुँदासम्म उपयोगविना नै भाडा तिर्नुपर्ने निश्चित छ । मंसिरमा निर्वाचन सम्पन्न भयो भने पनि छ महिनाको भाडा उपयोगबिना नै जानेछ । जुन साढे तीन करोड रुपैयाँ हो ।
संविधानसभा विघटन लगत्तै तत्कालीन सरकारले चुनावको घोषणा गरेको र आफ्नै नयाँ भवनको भौतिक पूर्वाधार तयार गर्न सकिने अवस्था नभएकाले पनि भाडा तिरिरहनुपरेको संसद सचिवालयका सहसचिव एवम् प्रवक्ता मुकुन्द शर्माले जानकारी दिनुभएको गोरखापत्र दैनिकमा खबर छ ।
नयाँ संसद भवन निर्माण परिकल्पना गरिएको दशकौं भए पनि अझै यसको सुरसार गरिएको छैन् ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.