सिंहदरबारका सबै भवन मापदण्डविपरीतका

भिडियो हेर्नको माथि को बक्स मा डबल क्लिक गर्नु होस्

११ भदौ, काठमाण्डौं । देशमा, ऐन-कानुन बनाउने र कार्यान्वयन गर्ने प्रमुख प्रशासनिक निकाय सिंहदरबार आफैंले भने ऐन-कानुन पालना नगरेको पाइएको छ । विनास्वीकृति र मापदण्डविपरीत बनेका भवन भत्काउने र कारबाही गर्ने गरेको सरकारले सिंहदरबारभित्रका भवन भने सम्बन्धित निकायबाट स्वीकृति नै नलिई निर्माण गरेको छ ।

सिंहदरबारभित्र बनिसकेका र बनिरहेका नयाँ भवन -राणाकालमा बनेका बाहेक) कुनैले पनि निर्माण अनुमति, नक्सा स्वीकृति र मापदण्डसमेत पालन नगरेको काठमाण्डौं महानगरपालिका स्रोतले जानकारी दिएको छ । महानगर क्षेत्रभित्र बन्ने सबै भवनले महानगरपालिकाबाट निर्माण अनुमति र प्रारम्भिक नक्सा पास गराउनुपर्ने प्रावधान छ । यो नियम पालन नगरेका भवनलाई कामपाले गैरकानुनी घोषित गरी भत्काउनेसम्मको कारबाही गर्दै आएको खबर नयाँ पत्रिकाले छापेको छ । तर, सिंहदरबार भित्रका भवनमा त न नक्सापास गराइएको छ, न मापदण्डनै पालन गरिएको छ ।

महानगरपालिकाले बारम्बार निर्माण स्वीकृति लिन र नक्सापास गराउन आउन आग्रह गरे पनि सिंहदरबारले अटे गर्दै आएको कामपा नक्सापास महाशाखाका एक अधिकारीले भने ।