रामेछापको खिम्तीमा पहिरोले ७ को मृत्यु पुरै बजार जोखिममा

भिडियो हेर्नको माथि को बक्स मा डबल क्लिक गर्नु होस्

दोलखा, श्रावण २९ - रामेछापको पुष्पलाल मार्गअन्तर्गत पर्ने खिम्ती बजारमा गएको पहिरोले ७ जनाको मृत्यु भएको छ । राति ११ बजेदेखि भएको अविरल बर्षापछि बजारमा रहेको खोलाको पानी बढेपछि गएको पहिरोले खिम्ती-२ का ३ जना, वडा नं. ३ मा १ जना, वडा नं. ४ मा ३ जनाको ज्यान गएको हो ।

गुगल अर्थबाट देखिएको खिम्ति बजारको दृश्य ।

घाईते ६ जनालाई उपचारको लागि दोलखाको गिर्नेटारस्थित अस्पतालमा पठाइएको छ । पहिरोले पुल बगाएपछि पुष्पलाल मार्गको आवत्वाजत बन्द भएको छ । बजार पूरै जोखिममा छ । त्यहाँबाट १९ जनालाई सुरक्षित स्थानमा लैजानुपर्ने देखिएको रामेछापका प्रमुख जिल्ला अधिकारी गोपालप्रसाद पराजुलीले जानकारी दिए ।

हाल उक्त क्षेत्रमा ३२ जना सेना, २० जना सशस्त्र प्रहरी र करिब ५० जना जनपद प्रहरीको उद्दार टोली खटिएको छ । घटनास्थलमा जाने खोला बढेकाले बिहान मात्रै उद्दार टोली त्यहाँ पुग्यो ।