भिडियो हेर्नको माथि को बक्स मा डबल क्लिक गर्नु होस्
दार्चुला, श्रावण २९ - दार्चुलाको उत्तरी भेगमा भारी वर्षा भएको छ । दुई महिना अघि महाकाली नदीको आएको बाढीले तहस नहस हुन पुगेको दार्चुलाको जनजीवन भिषण बर्षाले फेरि अस्तव्यस्त हुन पुगेको छ । अत्यधिक बर्षा पछि आएको बाढीले विभिन्न ठाउँमा पुल र विद्यालय भवन समेत बगाएकोछ । सोमवार रातिभर परेको झरीले महाकालीको जलस्तर बढेको छ । वर्षा मंगलवार पनि जारी छ । जलस्तर बढेपछि खलंगा ५ बागावगड जाने वाटो अवरुद्ध भएको छ । गत असार ३ गते आएको बाढीले वागाबगड जाने सड्क बगेको थियो । दुई महिनापछि स्थानीयले मुश्किलले आवत जावत गर्न अस्थायी वाटो बनाएका थिए । उक्त बाटो सोमवार रातिको बाढीले बगाएपछि अहिले आवत जावत गर्न मुश्किल भएको छ । नोगाड खोलामा आएको बाढीले धुलिगडा ९ स्थित नौगडेश्वर प्रावि भवन वगाएको छ । स्थानीय मंगलसिह ठगुन्नाका अनुसार बाढीले सिप्टी १ जोड्ने झोलुंगे पुल समेत वगाएको छ । धुलिगडा ९ का मनवीरसिह ठगुन्नाको पसल बगेको छ । रिथिङ्ग खोलाको बाढीले सुनसेरा ९ तुसारपानीमा रहेको झोलुंगे पुल बगाएको छ । उक्त ठाउमा निर्माणाधीन विद्युत टर्वाइन, विजुलीका खम्बा, १५ थान पाइप, १७ थान पोलिथिन पाइप, तीन पानी घट्ट बगाएको स्थानीय प्रेमसिह धामीले बताए । बाढीले सुनसेरा ३ स्थित झोलुंगे पुल पनि वगाएको छ । पहिरोका कारण सुनसेरा ९ सीनाका २६ घर जोखिममा परेका छन् । लास्कु खोलामा बाढी आएपछि सदरमुकाम खलंगामा विद्युत सेवा अवरुद्ध भएको छ । गत असार ३ गतेको बाढीले खलंगामा स्थानियको पक्की, टहरा, सरकारी कार्यालय, मन्दिर गरी १ सय ४८ घर बगाएको थियो । अहिले १ सय ५० बढी घर बाढीको जोखिममा परेका छन् । जिल्ला विपद व्यवस्थापन समितिका अनुसार १ अर्ब ७ करोड रुपैंया बढीको क्षति भएको छ । दार्चुलाका प्रहरी नायव उपरिक्षक टिकावहादुर केसीले जिल्लाका बाढी पहिरो प्रभावित ठाउँमा प्रहरी टोली खटाइएको बताए । टोली पुगेपछि सम्पूर्ण विवरण आउने उनले बताए । महाकाली नदीमा दुई महिना अघि आएको बाढीको त्रास नहट्दै फेरि उत्तरी हिमाली क्षेत्रमा लगातार बर्षा हुन थालेपछि दार्चुला सदरमुकाम खलंगाका स्थानीय भयभित भएका छन् । पहिरोमा पुरिएर वृद्धाको मृत्यु पहिरोमा पुरिएर हिकीला ३ की ६५ वर्षीया कैला भुलको मृत्यु भएको छ । उनी हिकला गाविस २ डोलासैनस्थित गाई गोठमा सुतेका वेला सोमवार राती पहिरोमा परेकी हुन् । वृद्धासंगै गोठमा रहेका ६ वटा वाख्रा, दुई भैंसी र एउटा गोरु मरेको जिल्ला प्रहरी कार्यालयले जनाएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.